by
by ru en
Аа
Aa Aa Aa

Гарачая лінія

Міністэрства аховы здароўя:

(017) 222-70-80
Упраўленнi аховы здароўя

Мінск:

(017) 285-00-10

Мінская вобласць:

(017) 517-20-25

Брэсцкая вобласць:

‎(0162) 58-09-93

Віцебская вобласць:

(0212) 47-40-70

Гомельская вобласць:

(0232) 75-44-87

Гродзенская вобласць

(0152) 72-13-45

Магілёўская вобласць:

(0222) 27-36-42

Падрыхтоўка да ВНУ

Парадак арганізацыі факультэтаў падрыхтоўкі да вну, у тым ліку і медыцынскіх універсітэтаў, вызначаны Палажэннем аб факультэце падрыхтоўкі да вну, падрыхтоўчым аддзяленні, падрыхтоўчых курсах, зацверджаным пастановай Савета Міністраў Рэспублікі Беларусь ад 21 ліпеня 2011 г. № 980.

Факультэты даўніверсітэцкай падрыхтоўкі, падрыхтоўчыя аддзяленні, падрыхтоўчыя курсы функцыянуюць ва ўсіх медыцынскіх універсітэтах Рэспублікі Беларусь.

На факультэтах даўніверсітэцкай падрыхтоўкі, падрыхтоўчых аддзяленнях, падрыхтоўчых курсах медыцынскіх універсітэтаў рэалізуюцца адукацыйныя праграмы, накіраваныя на вывучэнне вучэбных прадметаў, неабходных для паступлення ў медыцынскія ўніверсітэты.

На факультэты даўніверсітэцкай падрыхтоўкі, падрыхтоўчыя аддзяленні, падрыхтоўчыя курсы медыцынскіх універсітэтаў прымаюцца асобы, якія маюць агульную сярэднюю адукацыю, прафесійна-тэхнічную адукацыю або сярэднюю спецыяльную адукацыю.

На факультэты даўніверсітэцкай падрыхтоўкі, падрыхтоўчыя аддзяленні, падрыхтоўчыя курсы медыцынскіх універсітэтаў прымаюцца:

  • грамадзяне Рэспублікі Беларусь;
  • замежныя грамадзяне i асобы без грамадзянства, якія пастаянна пражываюць у Рэспубліцы Беларусь;
  • замежныя грамадзяне i асобы без грамадзянства, якім прадастаўлены статус бежанца ў Рэспубліцы Беларусь;
  • асобы беларускай нацыянальнасцi, якiя з'яўляюцца грамадзянамi замежных дзяржаў альбо асобамі без грамадзянства, якія пастаянна пражываюць на тэрыторыі замежных дзяржаў;
  • грамадзяне Расійскай Федэрацыі, Рэспублікі Казахстан, Кыргызскай Рэспублікі, Рэспублікі Таджыкістан.

Асобы, якiя паступаюць на факультэты даўніверсітэцкай падрыхтоўкі, падрыхтоўчыя аддзяленні, падрыхтоўчыя курсы медыцынскіх універсітэтаў, падаюць у прыёмную камісію наступныя дакументы:

  • заяву аб прыёме на навучанне па ўстаноўленай форме;
  • арыгіналы дакумента аб адукацыі і дадатак да яго;
  • арыгіналы сертыфікатаў цэнтралізаванага тэсціравання, праведзенага ў Рэспубліцы Беларусь у год прыёму;
  • даведку аб выніках здачы ўступных іспытаў (для асоб, якія здавалі ўступныя выпрабаванні ва ўстановах адукацыі і якія не прайшлі па конкурсе ў год прыёму);
  • медыцынскую даведку аб стане здароўя па форме, устаноўленай Міністэрствам аховы здароўя, выдадзеную дзяржаўнай установай аховы здароўя па месцы iх жыхарства (месцы знаходжання) альбо па месцы працы (службы);
  • дакументы, якія пацвярджаюць права слухача на льготы;
  • 6 фотаздымкаў памерам 3 x 4 см;
  • дакумент, які пацвярджае асобу.

Па-за конкурсам залічваюцца дзеці-сіроты і дзеці, якія засталіся без апекі бацькоў, а таксама асобы з лiку дзяцей-сірот і дзяцей, якія засталіся без апекі бацькоў.

Пераважнае права на залічэнне пры аднолькавай суме балаў у парадку пералічэння маюць:

  • дзеці-інваліды ва ўзросце да васямнаццацi гадоў, інваліды I альбо II групы, акрамя асоб, інваліднасць якіх наступіла ў выніку супрацьпраўных дзеянняў, па прычыне алкагольнага, наркатычнага, таксічнага ап'янення, членашкодніцтва;
  • асобы, якія з'яўляюцца членамі сем'яў асоб, пералічаных у падпунктах 3.2, 3.4 і 3.7 пункта 3, пункце 10 і падпунктах 12.2 і 12.3 пункта 12 артыкула 3 Закона Рэспублікі Беларусь ад 14 чэрвеня 2007 года "Аб дзяржаўных сацыяльных ільготах, правах і гарантыях для асобных катэгорый грамадзян";
  • асобы, названыя ў пункце 7 артыкула 18 Закона Рэспублікі Беларусь ад 6 студзеня 2009 года "Аб сацыяльнай абароне грамадзян, якія пацярпелі ад катастрофы на Чарнобыльскай АЭС, іншых радыяцыйных аварый";
  • інваліды III групы, акрамя асоб, інваліднасць якіх наступіла ў выніку супрацьпраўных дзеянняў, па прычыне алкагольнага, наркатычнага, таксічнага ап'янення, членашкодніцтва;
  • асобы, названыя ў пункце 7 артыкула 18 Закона Рэспублікі Беларусь ад 6 студзеня 2009 года "Аб сацыяльнай абароне грамадзян, якія пацярпелі ад катастрофы на Чарнобыльскай АЭС, іншых радыяцыйных аварый";
  • асобы з сем'яў, у якіх выхоўваюцца трое і больш непаўналетніх дзяцей.

Залічэнне слухачоў на факультэт даўніверсітэцкай падрыхтоўкі, падрыхтоўчае аддзяленне, падрыхтоўчыя курсы на платнай аснове ажыццяўляецца на падставе заключанага ва ўстаноўленым парадку дагавора аб платных паслугах у сферы адукацыі.

З падрабязнай інфармацыяй пра факультэты даўніверсітэцкай падрыхтоўкі, падрыхтоўчых аддзяленнях, падрыхтоўчых курсах, формах навучання, правілах прыёму, арганізацыі навучальнага працэсу, кошту навучання можна азнаёміцца на сайтах устаноў адукацыі:

Беларускі дзяржаўны медыцынскі ўніверсітэт
Віцебскі дзяржаўны ордэна Дружбы народаў медыцынскі ўніверсітэт
Гомельскі дзяржаўны медыцынскі ўніверсітэт
Гродзенскі дзяржаўны медыцынскі ўніверсітэт

Карысныя рэсурсы

Адміністрацыйныя рэсурсы