Аб выпадку выходжвання дзяўчынкі менш за 1000 грам

Медыцынская дапамога дзецям c экстрэмальна нізкай масай цела

Адна з самых складаных медыка-арганізацыйных праблем - выходжванне дзяцей з масай цела менш за 1000 грам, народжаных раней 28-га тыдня гестацыi. Медыцынская дапамога такім дзецям - адна з галоўных задач спецыялістаў РНПЦ «Маці і дзіця». Такіх малых вылучаюць у асобную катэгорыю пацыентаў з улікам спецыфічнасці круга праблем і ўскладненняў, абумоўленых глыбокай ступенню морфафункцыянальных няспеласці. У аддзяленне анестэзіялогіі і рэанімацыі з палатамі для нованароджаных дзяцей паступіла глыбока неданошаная дзяўчынка, якая нарадзілася ў тэрміне гестации 28 тыдняў. Маса цела малой склала 790 грам. Яна нарадзілася шляхам экстранай аперацыі кесарава сячэння ў жанчыны з прыроджанай тромбафiлiяй. З першых хвілін жыцця дзіцяці аказвалася спецыялізаваная медыцынская дапамога. Эндатрахеальна быў уведзены прэпарат сурфактанта «Куросурф», праводзілася штучная вентыляцыя лёгкіх, інфузійная тэрапія. Сучасныя перынатальныя тэхналогіі аказання спецыялізаванай медыцынскай дапамогі даюць такім дзецям чаканы вынік. Дзякуючы высокапрафесійным дзеянням урачоў і медыцынскіх сясцёр РНПЦ «Маці і дзіця» атрымалася стабілізаваць стан малой, навучыць яе дыхаць і абыходзіцца без штучнай сістэмы жыццезабеспячэння. Далейшае лячэнне было працягнута ў планавым аддзяленні для неданошаных дзяцей, куды малышка паступіла ва ўзросце 44 дзён з масай цела 1400 грам. Тут дзяўчынка знаходзілася разам з мамай і татам. Яе, выходжвалi з дапамогай метаду Кенгуру. З нараджэння дзіця знаходзілася на грудным гадаванні. Дзяўчынка выпісана дадому ва ўзросце 2 месяцаў з масай цела 1950 грам. Прэс-служба Міністэрства аховы здароўя

617