Аб'екты ў Студэнцкай вёсцы адпавядаюць усім патрабаванням для пражывання ўдзельнікаў Еўрапейскіх гульняў. Аб гэтым заявіў сёння журналістам прэм'ер-міністр Сяргей Румас падчас выязнога паседжання Рэспубліканскага арганізацыйнага камітэта па падрыхтоўцы і правядзенню II Еўрапейскіх гульняў.

Пасяджэнне аргкамітэта прайшло сёння ў Студэнцкай вёсцы. Удзельнiкi аргкамітэту, сярод якіх былі віцэ-прэм'ер Ігар Петрышэнка, першы намеснік міністра аховы здароўя Дзмітрый Піневіч і іншыя, агледзелі транспартны мол, інтэрнаты БДУІР і БДУ, аб'ект харчавання для ўдзельнікаў Еўрапейскіх гульняў. Былі абмеркаваны пытанні арганізацыі харчавання ўдзельнікаў Гульняў у Студэнцкай вёсцы і на спартыўных аб'ектах. Прадстаўнікі камітэта наведалі новую сталовую для ўдзельнікаў спаборніцтваў, якія будуць пражываць у Студэнцкай вёсцы. Яна была пабудавана ў рэкордныя тэрміны - за 3,5 месяца - і будзе штодня забяспечваць харчаваннем да 2 тыс. спартсменаў.

Як раней заяўляла намеснік міністра - галоўны дзяржаўны санітарны ўрач Беларусі Наталля Жукава, «санітарныя службы Мінска будуць гатовыя да наплыву турыстаў на II Еўрапейскіх гульнях. Падрыхтоўка вядзецца ў двух кірунках. Першы блок пытанняў, які сёння на кантролі Міністэрства аховы здароўя, у прыватнасці ў санітарна-эпідэміялагічнай службы, - гэта прафілактыка інфекцыйных захворванняў, гэта значыць эпідэмічная бяспека. Другая частка - гэта падрыхтоўка аб'ектаў гасцінічнага комплексу, гандлю, грамадскага харчавання».

Нагадаем, што II Еўрапейскія гульні пройдуць у Мінску з 21 па 30 чэрвеня. Больш за 4 тыс. атлетаў з 50 краін разыграюць 199 камплектаў узнагарод у 15 відах спорту.

 Прэс-служба Міністэрства аховы здароўя па матэрыялах БЕЛТА