Нашай краіне ёсць чым ганарыцца. "Працягласць жыцця беларусаў расце, пры гэтым захоўваюцца самыя нізкія на еўрапейскім кантыненце ўзроўні дзіцячай, адзінкавыя выпадкі мацярынскай смяротнасці", - адзначыў Міністр аховы здароўя Беларусі Валерый Малашка. Нашым грамадзянам даступна самая высокатэхналагічная дапамога. Нашы поспехі ў транспланталогіі, кардыяхірургіі і многіх іншых галінах вядома ва ўсім свеце. За здароўем у Беларусь едуць з усіх куткоў зямнога шара. Годны ўзровень развіцця аховы здароўя, мірнае неба зрабілі нашу краіну добрай пляцоўкай для правядзення міжнародных медыцынскіх форумаў у акушэрстве, гінекалогіі, транспланталогіі, пластычнай хірургіі, фтызіятрыі, педыятрыі.

Такія высокія дасягненні былі б немагчымыя без тых, хто прысвяціў сваё жыццё беларускай медыцына. А гэта дзясяткі тысяч неабыякавых людзей, прафесіяналаў сваёй справы. У сучасным свеце ім даводзіцца мець справу з пацыентамі новага тыпу. Такім, хто сам імкнецца стаць актыўным удзельнікам працэсу аказання меддапамогі. Сёння увага ў першую чаргу звернута да працаўнікоў першаснага звяна. Бо менавіта на амбулаторна-паліклінічным этапе праходзіць 80% зносін паміж урачом і пацыентам.

Святлана Стахоўская, «Медыцынскі Веснік»