Гарачая лінія
Міністэрства аховы здароўя:
(17) 373-70-80Мінск:
(17) 285-00-10Брэсцкая вобласць:
(162) 58-09-93Віцебская вобласць:
(212) 22-45-38Гомельская вобласць:
(232) 50-32-04Гродзенская вобласць
(152) 72-13-45Магілёўская вобласць:
(222) 32-23-42Мінская вобласць:
(17) 517-20-25Поспех беларускіх дзіцячых кардыяхірургаў у ААЭ
Некалькі паспяховых аперацый правялі беларускія дзіцячыя кардыяхірургі ў ААЭ.
У студзені спецыялісты РНПЦ дзіцячай хірургіі выехалі ў ААЭ для правядзення першых аперацый і майстар-класаў у клініцы Аль-Касімі. Беларуская каманда складалася з 7 урачоў і 6 медсясцёр.
Кардыяхірургі правялі 5 умяшанняў. Першым дзіцем, якога нашы спецыялісты прааперавалі ў ААЭ, быў сямігадовы хлопчык з прыроджаным парокам сэрца. У яго дыягнаставалі дэфект міжжалудачкавай перагародкі. А самым маленькім пацыентам стаў сямімесячнае немаўля з камбінаваным прыроджаным парокам сэрца.
Па словах кіраўніка дэлегацыі спецыялістаў, дырэктара РНПЦ дзіцячай хірургіі, галоўнага пазаштатнага дзіцячага кардыёхірурга Міністэрства аховы здароўя Канстанціна Драздоўскага, падрыхтоўка да працы ў ААЭ вялася на працягу паўтара года. Улетку 2017 года дэлегацыя міністэрства аховы здароўя і прафілактыкі захворванняў ААЭ падчас перамоваў у Мінску звярнулася па дапамогу ў стварэнні службы дзіцячай хірургіі ў адным з шпіталяў краіны. У маі 2018 года адбылося чацвёртае пасяджэнне сумеснага камітэта па супрацоўніцтве паміж урадам Рэспублікі Беларусь і ўрадам ААЭ пад сустаршынствам міністра замежных спраў Беларусі Уладзімірам Макеям і дзяржаўным міністрам па замежных справах ААЭ Анварам Гаргашам. У рамках мерапрыемства прайшлі перамовы намесніка міністра аховы здароўя Вячаслава Шылы і дырэктара РНПЦ дзіцячай хірургіі Канстанціна Драздоўскага з кіраўніцтвам міністэрства аховы здароўя і прафілактыкі захворванняў ААЭ. Вынікам сустрэчы стала падпісанне мемарандума аб узаемаразуменні ў галіне аховы здароўя паміж міністэрствамі дзвюх краін. На палях пасяджэння быў падпісаны дакумент аб супрацоўніцтве паміж міністэрствам аховы здароўя і прафілактыкі захворванняў ААЭ і РНПЦ дзіцячай хірургіі.
Нягледзячы на сучаснае развіццё медыцыны ў ААЭ, падкрэсліў Канстанцін Драздоўскі, у краіне наспела неабходнасць у стварэнні інфраструктуры для аказання дапамогі дзецям з прыроджаным парокам сэрца.
- Для нас важна такое супрацоўніцтва. І, вядома ж, важна прызнанне поспехаў беларускіх дзіцячых кардыяхірургаў у свеце, - адзначыў Канстанцін Драздоўскі. - Арабскі бок выступіў з прапановай, каб беларускія хірургі не толькі праводзілі аперацыі дзецям, але і аказалі метадычную і практычную падтрымку мясцовым спецыялістам у стварэнні на базе шпіталя цэнтра дзіцячай кардыяхірургіі.
Штогод у РНПЦ дзіцячай хірургіі выконваецца больш за 5 тысяч аперацый, з іх каля за 1 200 на сэрца, каля 4 тысяч на органах грудной клеткі, брушной поласці і інш.
Прэс-служба Міністэрства аховы здароўя.
Іншыя навіны