Афіцыйная дэлегацыя Міністэрства аховы здароўя Рэспублікі Беларусь на чале з міністрам аховы здароўя Уладзімірам Каранікам наведвае сёння ўстановы аховы здароўя Паўднёвай Карэі.

Спецыялісты Iльсанскай бальніцы прадэманстравалі беларускім калегам працу сістэмы клініка-затратных груп у Паўднёвай Карэі. Таксама сёння былі паказаны папярэднія вынікі пілотнага праекта па ўкараненню новай сістэмы клініка-затратных груп у Паўднёвай Карэі, умацаванню здароўя і правядзенні медыцынскіх аглядаў у мэтах кіравання выдаткамі на ахову здароўя.

Iльсанская бальніца належыць страхавой кампаніі. Яна мае вельмі важнае значэнне для НСМС, так як зараз з'явілася магчымасць выкарыстоўваць дадзеныя для аналізу кошту медыцынскіх паслуг. Адзначым, што большасць медыцынскіх устаноў у Карэі (звыш 90%) з'яўляюцца прыватнымі.

Як распавялі беларускай дэлегацыі прадстаўнікі бальніцы, практычна ўсе новаўвядзенні, якiя тычацца медыцынскага страхавання, першапачаткова ўкараняюцца менавіта ў дадзенай установе. 

Таксама беларускім урачам быў прадстаўлены аналіз ўплыву сістэмы КЗГ на якасць медыцынскіх паслуг. Былi дадзены тлумачэннi як працуюць механiзм выкарыстання інтэграваных дадзеных ад адзінага страхоўшчыка і механізм службы медыцынскіх аглядаў у мэтах выяўлення захворванняў на ранняй стадыі.

Прэс-служба Міністэрства аховы здароўя

Фота: начальнік аддзела знешніх сувязей Міністэрства аховы здароўя Анатоль Грушкоўскі