Прэс-канферэнцыя "Дыябет як медыка-сацыяльная праблема. Прафілактыка і лячэнне захворвання", прымеркаваная да Сусветнага дня барацьбы з дыябетам, прайшла сёння ў Мінску ў Нацыянальным прэс-цэнтры Рэспублікі Беларусь.

Штогод колькасць пацыентаў з цукровым дыябетам у Беларусі павялічваецца на 20-22 тыс. xалавек. Зрэшты, такая тэндэнцыя да росту колькасці выпадкаў захворвання ў нашай краіне - ідэнтычная сітуацыі ў свеце. І пакуль, на жаль, ні ў адной краіне не ўдалося значна спыніць рост распаўсюджанасці цукровага дыябету.

Аб праблеме распаўсюджанасці цукровага дыябету, прычынах яго росту, магчымасцях і метадах лячэння ў Нацыянальным прэс-цэнтры распавялі:

- галоўны пазаштатны эндакрынолаг Міністэрства аховы здароўя, дацэнт кафедры эндакрыналогіі Беларускай медыцынскай акадэміі паслядыпломнай адукацыі Віктар Валуевіч;

- прафесар кафедры эндакрыналогіі Беларускага дзяржаўнага медыцынскага універсітэта, старшыня БОМО «Эндакрыналогія і метабалізм» Ала Шапялькевіч;

- галоўны ўрач Рэспубліканскага цэнтра медыцынскай рэабілітацыі і бальнеалячэння Наталля Карлавіч.

Па словах Віктара Валуевіча, захворванне на цукровы дыябет расце вельмі вялікімі тэмпамі. Калі 10 гадоў таму ў Беларусі налічвалася 150 тыс. пацыентаў з цукровым дыябетам, то, па дадзеных на 1 студзеня 2018 года, іх ужо зарэгістравана каля 320 тыс. чалавек. Прычым, такі «драматычны рост" адбываецца ў асноўным за кошт цукровага дыябету 2 тыпу - звыш 93%. Што тычыцца пацыентаў з цукровым дыябетам 1 тыпу, іх колькасць застаецца адносна стабільным. - У свеце налічваецца каля 1 млн. такіх пацыентаў, у нашай краіне - крыху больш за 17 тыс., - адзначыў эксперт.

Сярод хворых на цукровы дыябет - 2 тыс. 139 дзяцей.

Падрабязнасці на 24health.by