Прадстаўнікі Міністэрства аховы здароўя Беларусі знаходзяцца ў пастаянным кантакце з калегамі з дзвюх бальніц Львоўскай вобласці, куды былі шпіталізаваныя пацярпелыя.

На сёння ад украінскіх калег не паступалі запыты аб аказанні дапамогі, разам з тым (пры неабходнасці) беларускія спецыялісты гатовыя дапамагчы.

Пытанні, звязаныя з транспарціроўкай беларускіх грамадзян на Радзіму, будуць вырашацца пазней – пасля таго, як стан пацярпелых стабілізуецца.

Нагадаем, што ў ДТЗ пацярпелі 9 грамадзян Беларусі. На жаль, адна з іх – жыхарка г.Жабінка – памерла ў бальніцы. Астатнія ў свядомасці, з траўмамі (чэрапна-мазгавыя траўмы, сатрасенні, пераломы, удары) рознай ступені цяжкасці, шпіталізаваныя ў лячэбныя ўстановы вобласці.

Разам з тым, у сувязі з сезонам адпачынкаў, Міністэрства аховы здароўя нагадвае беларускім грамадзянам, якія выязджаюць за мяжу, што страхаванне – гэта гарантыя аказання ўсіх відаў медыцынскай дапамогі пры экстранай сітуацыі ў любой краіне свету. Акрамя таго, страхоўка прадугледжвае і медыцынскую транспарціроўку ў арганізацыі аховы здароўя Рэспублікі Беларусь.

Дарожна-транспартнае здарэнне адбылося на ўчастку аўтамабільнай трасы Ковель-Жолква каля горада Вялікія Масты.

Прэс-служба Міністэрства аховы здароўя