Для ўдзелу ў форуме «Дзіцячая хірургія - 2018» з міжнародным удзелам запрошаны дзіцячыя хірургі і кардыяхірургі, педыятры, дзіцячыя кардыёлагі, анестэзіёлагі-рэаніматолагі, а таксама ўрачы, якія працуюць ва ўстановах аховы здароўя педыятрычнага профілю і зацікаўленыя работнікі вышэйшых медыцынскіх устаноў і рэспубліканскіх навукова-практычных цэнтраў .

Праграма рэспубліканскага навукова-практычнага форуму прадугледжвае стэндавыя даклады, секцыйныя і пленарныя пасяджэнні па тэмах: "Сучасныя падыходы ў лячэнні дзяцей з хірургічнай паталогіяй", "Анэстэзіялагічнае забеспячэнне аперацый у пацыентаў дзіцячага ўзросту. Новыя тэхналогіі выходжвання пацыентаў з хірургічнымі захворваннямі" і "Хірургія прыроджаных парокаў сэрца ў дзяцей. Новыя падыходы да даследавання і мадыфікацыі перыкардыальных трансплантантаў".

Арганізатары мерапрыемства Міністэрства аховы здароўя Рэспублікі Беларусь і ДУ «Рэспубліканскі навукова-практычны цэнтр дзіцячай хірургіі».