Выязныя брыгады будуць сфарміраваны з ліку медработнікаў для забеспячэння вакцынацыі жыхароў сельскай мясцовасці. Усяго ў гэтым сезоне ў Віцебскай вобласці ад грыпу плануецца прышчапіць каля 490 тыс. чалавек, або каля 40% насельніцтва. У тым ліку за кошт мясцовага бюджэту - 19% насельніцтва рэгіёну, рэспубліканскага - 13%, за сродкі прадпрыемстваў і арганізацый - 8%. Паступленне вакцыны чакаецца ў бліжэйшы час. Актыўнае правядзенне імунізацыі пачнецца з першых лікаў кастрычніка.

Уладзімір Сінкевіч, галоўны ўрач Віцебскага абласнога цэнтра гігіены, эпідэміялогіі і грамадскага здароўя, нагадаў пра важнасць гэтай сезоннай прафілактычнай меры. "Своечасова зробленая прышчэпка дазваляе пазбегнуць або з меншай шкодай для здароўя перанесці захворванне, дапамагае абараніць чалавека і значна знізіць рызыку захварэць для яго родных і блізкіх", - падкрэсліў галоўны ўрач.

У цяперашні час у Віцебскай вобласці захоўваецца стабільная, адпаведная сезонная сітуацыя па захворванні на вострыя рэспіраторныя інфекцыі.

БЕЛТА