У абласной бальніцы Магілёва рэалізуюць інавацыйны праект па хуткай рэабілітацыі пацыентаў пасля пратэзавання каленных суставаў. Пакуль у ім плануецца ўзяць удзел каля 40 пацыентаў, якім будуць замененыя каленныя суставы.

Сутнасць праекта ў тым, каб пасля апэраваньня пачаць распрацоўку суставаў як мага хутчэй - да ўтварэння контрактур. Гэта адбываецца на спецыяльным рабатызаваным абсталяванні пад татальным кантролем лабараторных даследаванняў крыві. Такая дыягностыка, па словах урачоў, дапамагае скарэктаваць час і дозу фізічнай нагрузкі.

А каб распрацоўваць суставы не замінала боль, пад кантролем УГД медыкі шукаюць кропку-нерв, адчувальнасць якога і блакуюць з дапамогай лекаў. Зараз у бальніцу закупляюць спецыяльнае абсталяванне.

У гэтым годзе магілёўскія ўрачы ўжо замянілі 50 каленных суставаў і больш за 200 тазасцегнавых.

Паглядзець відэасюжэт можна тут.