Да пачатку вельмі значнага для Рэспублікі Беларусь спартыўнага мерапрыемства застаецца 3 месяцы. Правядзенне другіх Еўрапейскіх гульняў патрабуе асаблівай увагі ў галіне медыка-санітарнага забеспячэння.

Чакаецца, што ў Беларусь на II Еўрапейскія гульні прыедуць больш за 4 тыс. спартсменаў, каля 2 тыс. трэнераў і абслугоўваючага персаналу, якія прадстаўляюць афіцыйныя дэлегацыі з 50 еўрапейскіх НАК. Беларусь таксама прыме каля 650 міжнародных суддзяў, 1 тыс. прадстаўнікоў замежных СМІ, 100 прэзідэнтаў і генеральных сакратароў еўрапейскіх федэрацый па відах спорту, а таксама вялікая колькасць высокапастаўленых дзяржаўных асобаў з розных краін.

Падчас II Еўрапейскіх гульняў правядуць спаборніцтвы па 15 відах спорту. Будуць разыграны 189 камплектаў медалёў у 23 дысцыплінах. У 10 відах спорту разыграюць ліцэнзіі на ўдзел у XXXII летніх Алімпійскіх гульнях, якія пройдуць у 2020 годзе ў Токіо.

На II Еўрапейскіх гульнях задзейнічаюць усе знакавыя аб'екты Мінска, у тым ліку комплексы «Мінск-Арэна» і «Чыжоўка-Арэна», Палацы спорту па пр. Пераможцаў і ва Уруччы, стадыён «Дынама», стралковы комплекс ім. маршала Цімашэнкі, спартыўна-аздараўленчы комплекс «Алімпійскі» і іншыя арэны.

Правядзенне дадзенага мерапрыемства патрабуе асаблівай увагі ў частцы медыка-санітарнага забеспячэння.

Работа па падрыхтоўцы да II Еўрапейскіх гульняў вядзецца з 2017 года ў адпаведнасці з Планамі мерапрыемстваў па падрыхтоўцы да правядзення ў Рэспубліцы Беларусь II Еўрапейскіх гульняў, працы падкамітэту па пытаннях медыцынскага і антыдопінгавага забеспячэння II Еўрапейскіх гульняў, а таксама кантролю якасці харчовых прадуктаў, якія плануюцца да пастаўкі для арганізацыі харчавання ўдзельнікаў II Еўрапейскіх гульняў 2019 года.

Вызначаны асноўныя арганізацыйныя і практычныя мерапрыемствы, якія неабходна правесці ў падрыхтоўчы перыяд і падчас правядзення II Еўрапейскіх гульняў. Гэта тычыцца медыцынскага кантролю і забеспячэння спаборніцтваў, трэніровак, пражывання і харчавання, выязнога гандлю, грамадскага харчавання, прыдарожнага сэрвісу.

Больш падрабязна чытайце на сайце "Медыцынскага весніка"