Эксперт па медыцынскім забеспячэнні Еўрапейскіх алімпійскіх камітэтаў прафесар Клаус Штайнбах прыбыў з рабочым візітам у Мінск.

Клаус Штайнбах высока ацаніў ход падрыхтоўкі да II Еўрапейскіх гульняў, якія пройдуць у сталіцы Беларусі з 21 па 30 чэрвеня 2019 года з удзелам больш за 4 тысячы спартсменаў з 50 краін. Прафесар наведаў Гарадскую клінічную бальніцу хуткай медыцынскай дапамогі, спартыўна-забаўляльны комплекс «Чыжоўка-Арэна», Нацыянальны алімпійскі стадыён «Дынама».

11 ліпеня адбылася сустрэча Клауса Штайнбаха з міністрам аховы здароўя Валерыем Малашкам. Бакі абмеркавалі пытанні медыцынскага забеспячэння атлетаў і гасцей падчас правядзення мультыспартыўнага форуму. Эксперт Еўрапейскіх алімпійскіх камітэтаў таксама правёў рабочую нараду з супрацоўнікамі дырэкцыі II Еўрапейскіх гульняў і даў рэкамендацыі па далейшых дзеяннях у ходзе падрыхтоўкі да гульняў.