У РНПЦ «Маці і дзіця» паспяхова аказана меддапамога нованароджанаму з экстрэмальна нізкай масай цела

Выняньчванне дзяцей з масай цела менш як 1000 грам, народжаных раней за 28-ы тыдзень гестацыi, - адна з самых складаных медыка-арганізацыйных праблем. Нованароджаных з экстрэмальна нізкай масай цела вылучаюць у асобную катэгорыю маленькіх пацыентаў у сувязі з тым, што іх праблемы абумоўлены глыбокай ступенню морфафункцыянальнай няспеласці.

Так, напрыклад, нядаўна ў аддзяленне анестэзіялогіі і рэанімацыі для нованароджаных паступіла глыбока неданошанае дзиця. Яно нарадзіўся ў тэрміне гестацыi - 25 тыдняў. Пры нараджэнні дзіця важыла - 640 грам. У сувязі з цяжкім станам маці, урачы прынялі рашэнне праводзіць экстранную аперацыю кесарава сячэння. 

З першых хвілін жыцця дзіцяці аказвалася спецыялізаваная медыцынская дапамога, праводзілася штучная вентыляцыя лёгкіх, інфузійная тэрапія.

Сучасныя перынатальныя тэхналогіі аказання меддапамогі даюць такім малым шанец на выжыванне. Дзякуючы высокапрафесійным дзеянням урачоў і медыцынскіх сясцёр РНПЦ «Маці і дзіця» атрымалася стабілізаваць стан малога, навучыць яго абыходзіцца без штучнай сістэмы жыццезабеспячэння.

На дадзены момант пагроза для жыцця хлопчыка ліквідаваная. Для далейшага лячэння ён пераведзены ў планавае аддзяленне на сумеснае знаходжанне з маці.

Прэс-служба Міністэрства аховы здароўя