Навінка зробіць медыцынскую дапамогу даступнай, - распавяла галоўны ўрач паліклінікі №39 Вольга Ясманчык. Пацыент, які замовіў талон напярэдадні, атрымлівае на мабільны тэлефон галасавое паведамленне з просьбай пацвердзіць візіт.

Перавага гэтага метаду ў тым, што не патрабуецца аналіз зваротнай сувязі рэгістратарам. Калі чалавек, набраўшы лічбу 2 на тэлефоне, не пацвярджае візіт, то талон у электроннай сістэме падсвятляецца чырвоным колерам, здымаецца бронь, і ён ідзе ў агульны доступ.

Лісты на электронную пошту не заўсёды эфектыўныя. Прыкладна 1-2% мінчан не прыходзяць у прызначаны час на прыём. У год паліклініка выдае больш за 88 тыс. талонаў, таму лічба атрымліваецца вялікая. Паслуга аўтаінфарматара дазваляе пазбегнуць такіх сітуацый. Тыя, хто адмаўляецца ад візіту, прадастаўляюць магчымасць іншым трапіць да ўрача.

Новаўвядзенне стала магчымым дзякуючы стварэнню колл-цэнтра.

Таксама ў паліклініцы №39 летась урачы сталі хадзіць на выклікі з планшэтамі. У планах - укараненне новых падыходаў у арганізацыю прыёмаў урачоў агульнай практыкі. У аснове - камандны стыль працы. За ўчасткам замацоўваюцца ўрач, памочнік урача і медыцынская сястра. Гэта дазволіць больш актыўна праводзіць кансультаванне па пытаннях здаровага ладу жыцця, наяўных захворванняў, выканання ўрачэбных прызначэнняў, шырэй выкарыстоўваць магчымасці школ здароўя.

39-я гарадская клінічная паліклініка адкрылася ў Мінску ў лістападзе 2014 года, размешчана ў мікрараёне «Дружба-2», разлічаная на 400 наведванняў у змену і абслугоўвае 21,3 тыс. чалавек.