Ва ўрачыстым мерапрыемстве, якое было прысвечана 90-годдзю заснавання НАН Беларусі, прыняла ўдзел намеснік Міністра аховы здароўя - галоўны дзяржаўны санітарны ўрач Рэспублікі Беларусь Наталля Жукава. Яна адзначыла, што навуковыя калектывы сістэмы НАН Беларусі прыўносяць у галіну аховы здароўя наватарскія ідэі і эфектыўныя распрацоўкі, якія вядуць да павышэння якасці жыцця людзей і даступнасць медыцынскай дапамогі шляхам стварэння новых метадаў, якія ўкараняюцца ў практыку аховы здароўя нашай рэспублікі. У цесным тандэме з навуковымі арганізацыямі сістэмы Міністэрства аховы здароўя распрацоўваюцца як паўсюдна ўжываюцца метады дыягностыкі, лячэння, медыцынскай прафілактыкі захворванняў, медыцынскай рэабілітацыі пацыентаў, так і высокатэхналагічныя метады, якія прымяняюцца толькі ў асобных арганізацыях аховы здароўя. Відавочны ўклад НАН Беларусі ў забеспячэнне лекавай бяспекі нашай краіны, шмат у чым дзякуючы НАН Беларусі лекавыя сродкі беларускай вытворчасці не толькі забяспечваюць ўнутраныя патрэбы, але і заваёўваюць рынкі замежных дзяржаў.

Акрамя цёплых слоў і добрых пажаданняў на адрас работнікаў НАН Беларусі Наталля Жукова адзначыла Інстытут фізіялогіі НАН Беларусі, дырэктара Інстытута мікрабіялогіі НАН Беларусі; доктара біялагічных навук, прафесара, члена-карэспандэнта НАН Беларусі Каламіец Эмілію Іванаўну; загадчыка аддзела біяхімічнай фармакалогіі Інстытута біяхіміі біялагічна актыўных злучэнняў НАН Беларусі, доктара біялагічных навук, прафесара Бука Вячаслава Ульянавіча; загадчыка лабараторыі генетыкі чалавека дзяржаўнай навуковай установы «Інстытут генетыкі і цыталогіі Нацыянальнай акадэміі навук Беларусі», доктара біялагічных навук, прафесара Мосэ Ирму Барысаўну, якія былі ўзнагароджаны Ганаровай грамата Міністэрства аховы здароўя за значны ўклад у развіццё медыцынскай навукі і практыкі.

Васіль Філанюк, начальнік аддзела навукі Міністэрства аховы здароўя.