Нагрудным знакам «Лепшы настаўнік» Рэспубліканскага камітэта Беларускага прафсаюза медыцынскіх работнікаў быў узнагароджаны прафесар кафедры неадкладнай хірургіі БелМАПА доктар медыцынскіх навук Мікалай Завада.

Стаж працы ў неадкладнай хірургіі 45 гадоў. У 1993 годзе адным з першых асвоіў і ўкараніў у практыку лапараскапічныя аперацыі на органах брушной поласці.

Аўтар 14 манаграфій і навучальных дапаможнікаў, больш за 350 навуковых прац, 8 патэнтаў, 3 інструкцыі па ўжыванні. Падрыхтаваў 5 кандыдатаў мед. навук. У цяперашні час у трох хірургічных аддзяленнях ГКБХМД Мінска курыруе самыя складаныя напрамкі экстранай медыцыны - спалучаная траўма, неадкладная хірургія захворванняў органаў брушной поласці і пашкоджанняў жывата.

Свой велізарны досвед прафесар Завада выкарыстоўвае ў выкладчыцкай дзейнасці на кафедры неадкладнай хірургіі БелМАПА. За 37 гадоў працы на кафедры з яго непасрэдным удзелам праведзена больш за 200 курсаў павышэння кваліфікацыі, спецыялізацыі і перападрыхтоўкі.

Калектыў кафедры неадкладнай хірургіі БелМАПА, супрацоўнікі ГКБХМД Мінска віншуюць прафесара Мікалая Завада з заслужанай узнагародай і жадаюць далейшых творчых поспехаў.

"Медыцынскі веснік"