Чарговае пасяджэнне чацвёртай сесіі Савета Рэспублікі Нацыянальнага сходу Рэспублікі Беларусь шостага склікання прайшло 28 чэрвеня па кіраўніцтвам Старшыні Савета Рэспублікі Міхаіла Мясніковіча. Было разгледжана 20 пытанняў.

На пасяджэнні быў адобраны праект Закона Рэспублікі Беларусь «Аб унясенні зменаў і дапаўненняў у Закон Рэспублікі Беларусь «Аб якасцi i бяспецы харчовай сыравіны і харчовых прадуктаў для жыцця і здароўя чалавека». З дакладам па праекце закона выступіў міністр аховы здароўя Валерый Малашка.

Адзначым, што дзеючы закон быў прыняты ў 2003 г. - больш за 15 гадоў. Нейкiх карэнных змен за ўвесь перыяд яго дзеяння не ўносілася, за выключэннем змены артыкула кантрольнай (нагляднай) дзейнасці. За гэты час Беларусь ўступіла ў Еўразійскі эканамічны саюз. У рамках яго функцыянавання быў прыняты шэраг значных дакументаў (Дагавор аб Еўразійскім эканамічным саюзе ад 29 мая 2014 год, тэхнічныя рэгламенты Мытнага саюза/Еўразійскай эканамічнай саюза). Таксама ў апошнія гады набылі моц Указы Прэзідэнта Рэспублікі Беларусь ад 9 лютага 2015 г. № 48 «Аб мерах па забеспячэнню дзяржаўнага кантролю (нагляду) за выкананнем патрабаванняў тэхнічных рэгламентаў», ад 16 кастрычніка 2009 г. № 510 «Аб удасканаленні кантрольнай (нагляднай ) дзейнасці ў Рэспубліцы Беларусь» і Дэкрэт Прэзідэнта Рэспублікі Беларусь ад 23 лістапада 2017 г. № 7 «Аб развіцці прадпрымальніцтва».

У сувязі з гэтым спатрэбілася актуалізацыя дзеючага заканадаўства. Як адзначыў міністр, прыняцце названага законапраекта дасць магчымасць: гарманізаваць нацыянальнае заканадаўства з міжнароднымі нормамі, удасканальваць прававое рэгуляванне адносін у галіне забеспячэння якасці і бяспекі харчовай прадукцыі для жыцця і здароўя чалавека. Новай рэдакцыяй закона вызначаюцца асноўныя прынцыпы дзяржпалітыкі, паўнамоцтвы дзяржорганаў і службовых асоб, іншых дзяржаўных арганізацый, парадак ажыццяўлення кантролю (нагляду) у названай сферы. Устанаўліваюцца патрабаванні да інфармацыі аб якасці і бяспецы харчовай сыравіны і харчовых прадуктаў, якая павінна даводзіцца да ведама насельніцтва, у тым ліку звесткі аб вытворцы, складзе і харчовай каштоўнасці і інш.

Валерый Малашка распавёў, што змены і дапаўненні накіраваны на забеспячэнне канстытуцыйных правоў грамадзян на ахову здароўя i на прадухіленне неспрыяльнага ўздзеяння фактараў асяроддзя пражывання.

Прэс-служба Міністэрства аховы здароўя