Афіцыйны візіт дэлегацыі міністэрстваў аховы здароўя і фінансаў Рэспублікі Беларусь у Паўднёвую Карэю праходзіць з 25 па 30 лістапада. Адзначым, што беларуская дэлегацыя наведвае з рабочым візітам Рэспубліку Карэя для вывучэння карэйскага вопыту ў галіне медыцынскага страхавання і фінансавання сектара аховы здароўя з мэтай паляпшэння прадастаўлення медыцынскіх паслуг і павышэння эфектыўнасці фінансавання сферы аховы здароўя ў Беларусі.

У час сустрэчы з намеснікам міністра эканомікі і фінансаў Карэі па міжнароднаму супрацоўніцтву Кім Хве Чжон міністр аховы здароўя Уладзімір Каранік распавёў аб магчымых кірунках па лініі Міністэрства аховы здароўя, адзначыў важнасць рэалізацыі карэйска-беларускага праекта па тэматыцы «Лічбавая трансфармацыя нацыянальнай эканомікі Рэспублікі Беларусь». Таксама гутарка кранула супрацоўніцтва з Рэспублікай Карэя ў галіне фармацэўтыкі. Тут былі абмеркаваныя два кірункі - лакалізацыя ў Беларусі вытворчасцей лекавых сродкаў і трансфер тэхналогій, а таксама - рэгістрацыя і вывад на рынак Паўднёвай Карэі беларускіх лекавых сродкаў. Адзначым, што за перыяд студзень-верасень 2019 года экспарт у Рэспубліку Карэя склаў $ 39,8 тыс.

Першы намеснік міністра фінансаў Беларусі Юрый Селіверстаў абмеркаваў перспектывы прыцягнення карэйскага фінансавання для рэалізацыі праектаў у Беларусі, магчымасці супрацоўніцтва ў рамках Праграмы абмену ведамі і СГА. Таксама бакі абмеркавалі іншыя пытанні, якія ўяўляюць узаемную цікавасць.

Прэс-служба Міністэрства аховы здароўя