Усе паказчыкі, уключаныя ў мадэль канчатковых вынікаў дзейнасці отарыналарынгалагічнай службы, у тым ліку ранняга выяўлення парушэнняў слыху ў дзяцей, высокатэхналагічных аперацый, платных медпаслуг, выкананы з перавышэннем прагнознага ўзроўню. На рэспубліканскай нарадзе дырэктар РНПЦ отарыналарынгалогіі, галоўны няштатны отарыналарынголаг Міністэрства аховы здароўя Мікалай Грэбень падвёў вынікі працы службы за 2017 год.

ЛЯЧЭБНАЯ частка. У рэспубліцы функцыянуюць 30 лор-аддзяленняў, больш за ўсё іх у Мінскай і Гомельскай абласцях (5 і 7 адпаведна). Спецыялізаваную медыцынскую дапамогу насельніцтву аказваюць 12 міжраённых лор-аддзяленняў (цэнтраў на функцыянальнай аснове).

Усяго ў службе 1 279 ложкаў, што на 29 менш, чым у 2016 годзе. Паказчык занятасці койкі па рэспубліцы - 338,9, у РНПЦ - 343,5. У стацыянары пралечаны за год больш за 53 тысяч пацыентаў, сярэдняя працягласць знаходжання там 7,8 дня. Выканана 73 437 хірургічных умяшанняў. Колькасць высокатэхналагічных аперацый склала 7 371 (2 373 праведзены ў РНПЦ). Хірургічная актыўнасць у РНПЦ складае 86%, па абласцях 60-76%. 

Ахоп нованароджаных аўдыалагічным скрынінгам дасягнуў 81,5%. У гэтым годзе гэты паказчык павінен скласці 85%

Больш падрабязна чытайце ў "Медыцынскім весніку"