Двое пацярпелых пры нападзенні ў школе ў Стоўбцах знаходзяцца ў стабільна цяжкім стане. Пра гэта паведаміў загадчык хірургічнага аддзялення Стаўбцоўскай ЦРБ Дзмітрый Пляскач.

Паводле яго слоў, «цяпер школьнікі знаходзяцца ў рэанімацыі пад пастаянным наглядам урачоў. Пацыенты паступалі паміж 8.00 і 9.00 ў цяжкім стане. Загадзя было вядома, што іх вязуць, таму разгарнулі аперацыйныя. Яны былі праапераваныя. Цяпер іх стан стабільны цяжкі». У пацярпелых нажавыя раненні.

Як паведамляе аддзел інфармацыі і сувязі з грамадскасцю Следчага камітэта, на месцы працуе следча-аператыўная група, усталёўваюцца акалічнасці трагедыі.

Прэс-служба Міністэрства аховы здароўя