Дарагія жанчыны!
Ад імя мужчын-медыкаў віншую вас з Міжнародным жаночым днём!

Аб вас, нашы выдатныя калегі, хочацца гаварыць вершамі, напрыклад, словамі беларускага паэта Пімена Панчанкі:

Першыя раны жанчына лячыла,
Травы збірала з відна да цямна. 
Першых звяроў прыручыла жанчына, 
Першай насеяла зерне яна...

Вы ва ўсім для нас першыя, лепшыя і любімыя. З даўніх часоў жанчыны даглядалі хворых, шукалі спосаб палегчыць іх пакуты. І сёння вы падтрымліваеце, адорваеце ўсмешкай, саграваеце добрым словам. У кабінеце і аперацыйнай, у лабараторыі і вучэбнай аўдыторыі - усюды вы натхняеце сваім імкненнем зрабіць свет лепш, зберагчы жыццё і здароўе. Мы захапляемся вашай прыгажосцю, прафесіяналізмам, працавітасцю, уменнем клапаціцца і пра пацыентаў, і пра хатні ачаг. Дапамагаючы новым грамадзянам Беларусі з'явіцца на свет, многія з вас самі з гонарам нясуць высокае званне Маці.

А мужчынам нагадаю, чым заканчваецца верш класіка:

Не паціскайце, мужчыны, плячыма, 
Не спасылайцеся хітра на час.  
Першых звяроў прыручыла жанчына,  
Можа, як-небудзь прыручыць і вас.