На адкрыцці сёмай сесіі Палаты прадстаўнікоў шостага склікання дэпутаты прынялі ў першым чытанні праект зменаў закона «Аб лекавых сродках».

Змяненні накіраваны на ўдасканаленне нормаў з улікам іх ўзгаднення з палажэннямі міжнародна-прававых актаў Еўразійскага эканамічнага саюза. У залежнасці ад мэтаў пастаўкі лекавых сродкаў прадугледжваецца магчымасць як дзяржаўнай іх рэгістрацыі, так і ў рамках ЕАЭС.

Законапраектам прапануецца істотна абнавіць і дапоўніць паняційны апарат, раскрыць змест дзяржаўнай фармакапеі Беларусі i належнай фармацэўтычнай практыкi, распаўсюдзіўшы іх дзеянне на ўсе этапы абарачэння лекавых сродкаў. Плануецца таксама пашырыць паўнамоцтвы Міністэрства аховы здароўя ў гэтай сферы.

Так, у законапраекце прапануецца ўдакладніць тэрміналогію, вызначыць асноўныя прынцыпы дзяржаўнай палітыкі ў галіне абарачэння лекавых сродкаў, раскрыць змест належнай фармацэўтычнай практыкi і рэгламентаваць пытанні дзяржаўнага рэгулявання ў гэтай сферы.

Па словах міністра аховы здароўя Уладзіміра Караніка, законапраект прадугледжвае рэгуляванне грамадскіх адносін, звязаных з распрацоўкай даклінічных i клінічных даследаванняў, а таксама з медыцынскім ужываннем лекаў, рэалізацыяй, захоўваннем, транспарціроўкай, знішчэннем, увозам і вывазам лекавых сродкаў.

На дадзены момант, паведаміў Уладзімір Каранік, з больш чым 900 найменняў прэпаратаў, у якіх у наступным годзе мінае рэгістрацыя, большасць альбо мае аналагі, і іх сыход з рынку насельніцтва не заўважыць, альбо перарэгістраваліся - такіх больш за 90%. Міністр таксама распавёў пра іншыя змены.

Адзначым, што рэалізацыя палажэнняў законапраекта будзе спрыяць паглыбленню інтэграцыі ў сферы абарачэння лекавых сродкаў у адзінай эканамічнай прасторы, прадастаўленню гарантыі іх якасці і забеспячэнню абароны здароўя насельніцтва.

Прэс-служба Міністэрства аховы здароўя