У рамках праекта «Цані сваё здароўе» 3 красавіка 2019 года на гандлёвых аб'ектах і ва ўстановах аховы здароўя сталіцы, а 17 красавіка - у аптэках РУП «Белфармацыя» і на прамысловых прадпрыемствах па ініцыятыве і з удзелам гарадскога Цэнтра здароўя, раённых цэнтраў гігіены і эпідэміялогіі, устаноў аховы здароўя г.Мінска сярод насельніцтва сталіцы пройдзе шырокамаштабная інфармацыйна-адукацыйная акцыя па прафілактыцы неінфекцыйных захворванняў.

Навукоўцамі даказана, што інфаркт, інсульт, цукровы дыябет, бронхалёгачныя і анкалагічныя захворванні можна прадухіліць за кошт карэкцыі фактараў рызыкі.

Тым хто далучыцца да акцыі і наведае інфармацыйна-адукацыйныя мерапрыемствы па прафілактыцы неінфекцыйных захворванняў кожнаму, па жаданні, спецыялісты памераюць артэрыяльны ціск, рост, вагу. Медработнікі пракансультуюць па пытаннях прафілактыкі хвароб сістэмы кровазвароту і фарміраванні здаровага ладу жыцця. Удзельнікі акцыі змогуць запоўніць анкеты па раннім выяўленні сардэчна-сасудзiстых захворванняў. На інфармацыйных пунктах можна будзе ўзяць памяткі, буклеты, улёткі па тэматыцы здаровага ладу жыцця і прафілактыцы неінфекцыйных захворванняў, а ў ГЦ «Dana Mall» 3 красавіка з 10.00 да 12.00 можна будзе вымераць і ўзровень глюкозы (нашча!).

Месцы правядзення акцыі па прафілактыцы неінфекцыйных захворванняў 03.04.2019