На пытанні журналістаў у Нацыянальным прэс-цэнтры адказвалі намеснік начальніка аддзела гігіены, эпідэміялогіі і прафілактыкі Міністэрства аховы здароўя Іна Карабан і загадчыца аддзялення імунапрафілактыкі РЦГЭіГЗ Вераніка Высоцкая.

Па словах Іны Карабан, пацверджаныя выпадкі адзёру зафіксаваныя ў Брэсцкай, Гомельскай і Гродзенскай абласцях. Першы выпадак быў зарэгістраваны ў лютым у Ваўкавыску, калі захварэла пяцігадовая дзяўчынка. Яе маці адмовілася ад вакцынацыі дзіцяці. У цяперашні час сітуацыя ў раённым цэнтры знаходзіцца пад кантролем, з 17 сакавіка новых выпадкаў захворвання на адзёр не рэгіструецца. Але медыкі працягваюць назіраць за людзьмі, якія знаходзіліся ў кантакце з хворымі.

Верагодней за ўсё, вірус трапіў у Беларусь з Еўрапейскага рэгіёну. У Гомельскай вобласці зарэгістравана 11 пацверджаных выпадкаў. Сюды вірус, па дадзеных спецыялістаў, патрапіў з Адэсы, дзе першы хворы адпачываў разам з сям'ёй. Што тычыцца Брэсцкай вобласці, то тут зарэгістраваны адзін выпадак. Як паведамлялася, у Ляхавічах было зарэгістравана захворванне на адзёр чатырохмесячнага дзіцяці. Дзіця родам з Ваўкавыска. Бабуля, якая ўзяла над ім апеку, прывезла яго і яшчэ двух сваіх старэйшых унукаў 2014 і 2015 года нараджэння у Ляхавіцкі раён 15 сакавіка. Чатырохмесячнае дзіця да пераезду знаходзіўся ў Ваўкавыску ў бальніцы.

Падрабязнасці чытайце на сайце 24health.by

Прэс-служба Міністэрства аховы здароўя