У прэс-канферэнцыі, якая адбылася ў БЕЛТА, прынялі ўдзел - дырэктар Рэспубліканскага навукова-практычнага цэнтра радыяцыйнай медыцыны і экалогіі чалавека Аляксандр Ражко, галоўны ўрач Мінскага гарадскога клінічнага анкалагічнага дыспансера Уладзімір Каранік, загадчык Рэспубліканскім цэнтрам пазітронна-эмісійнай тамаграфіі Рэспубліканскага навукова-практычнага цэнтра анкалогіі і медыцынскай радыялогіі ім. Н.Н.Аляксандрава Валерый Сiнайка i загадчык лабараторыі прамянёвай тэрапіі Рэспубліканскага навукова-практычнага цэнтра анкалогіі і медыцынскай радыялогіі ім. Н.Н.Аляксандрава Павел Дзямешка.

 Адна з задач аховы здароўя ў Беларусі - мінімізацыя медыцынскіх наступстваў аварыі на ЧАЭС. У першую чаргу гэта дасягаецца за кошт дыспансерызацыі. У Беларусі штогод ёю ахоплена каля 96-97% дарослага пацярпелага насельніцтва, дзеці - на 100%, - распавёў Аляксандр Ражко.

Як дадаў галоўны ўрач Мінскага гарадскога клінічнага анкалагічнага дыспансера Уладзімір Каранік, развіццё ядзернай медыцыны ў краіне не стаіць на месцы. У снежні 2017 года ў анкадыспансэры быў уведзены ў эксплуатацыю новы радыелагічны корпус, на базе якога функцыянуе найбуйнейшае ў Еўропе аддзяленне ядзернай медыцыны на 20 ложкаў. Галоўнымі пры праектаванні і будаўніцтве гэтага корпуса былі пытанні бяспекі навакольнага асяроддзя, персаналу, пацыентаў. І гэта рэалізавана ў поўным аб'ёме - там ужытыя самыя сучасныя сістэмы бяспекі і жыццезабеспячэння.

 Усе матэрыялы канферэнцыі можна прачытаць па спасылцы:

https://www.belta.by/pressconference/view/razvitie-radiatsionnoj-meditsiny-luchevoj-diagnostiki-i-terapii-v-respublike-belarus-1140/