На базе рэспубліканскага цэнтра алімпійскай падрыхтоўкі па фрыстайле пройдзе маштабны марафон здаровага ладу жыцця.

Кожны чацвер 1, 8, 15, 22 і 29 жніўня з 18.00 да 21.00 любы жадаючы можа выпрабаваць сябе ў розных відах фізічнай актыўнасці і фітнэс-кірунках, папярэдне атрымаўшы рэкамендацыі ад медыкаў, якія будуць кансультаваць і падтрымліваць удзельнікаў марафону на працягу месяца.

На адной пляцоўцы паралельна будуць прадстаўлены фiткрос, ёга, стрэтчынг, пiлатэс, TRX. Можна будзе выпрабаваць сябе ў баявых мастацтвах і розных танцавальных напрамках, вывучыць розніцу паміж функцыянальнай і кардыё-трэніроўкай высокай інтэнсіўнасці, рэлакс-практыкаваннямі.

Алгарытм удзелу:

• Прыходзьце ў любы чацвер жніўня на пляцоўку каля РЦАП па фрыстайле.
• Прайдзіце непасрэдна на месцы ў медыкаў экспрэс-абследаванне, якое дазволіць ацаніць стан Вашага здароўя і скласці індывідуальную праграму фізічных актыўнасцяў; атрымайце на рукі «пашпарт здароўя».
• Выбірайце рэкамендуемы від фізічнай актыўнасці, трэніруйцеся і атрымлівайце зваротную сувязь ад медыкаў і трэнераў.

У дні правядзення марафону будуць прадстаўлены розныя віды сумесных актыўнасцяў для мамаў і дзетак, а таксама людзей з дадатковымі патрэбамі, арганізаваныя выступленні ментараў, матывацыйных спікераў, аўтограф-сесіі ад вядомых спартсменаў, здаровыя фудкорты і многае іншае.

Арганізатарам мерапрыемства выступае Дзіцячы Фонд ААН (ЮНІСЕФ) Прадстаўніцтва ў Рэспубліцы Беларусь пры падтрымцы Міністэрства аховы здароўя Рэспублікі Беларусь, Міністэрства спорту і турызму Рэспублікі Беларусь, Міністэрства інфармацыі Рэспублікі Беларусь, Мінскага гарвыканкама, спартыўных грамадскіх аб'яднанняў.

САЙТ:  марафонзож.бел