Сёння, 15 кастрычніка, адзначаюць сваё прафесійнае свята работнікі фармацэўтычнай і мікрабіялагічнай прамысловасці краіны.

Дзень работнікаў фармацэўтычнай і мікрабіялагічнай прамысловасці ўстаноўлены Указам Прэзідэнта Рэспублікі Беларусь №157 ад 26 сакавіка 1998 года.

Фармацэўтычная прамысловасць Рэспублікі Беларусь існуе ўжо больш за 90 гадоў. Але найбольш актыўна галіна пачала развівацца ў апошнія 20 гадоў. Толькі за апошнія 6 гадоў аб'ём вытворчасці лекавых сродкаў у рэспубліцы павялічыўся ў 4,6 разы, экспарт - у 1,4. Рэалізавана 33 інвестыцыйных праекта агульным коштам больш за $250 млн.

Найбуйнейшыя беларускія вытворцы лекавых сродкаў - дзяржаўныя і з доляй дзяржавы арганізацыі, аб'яднаныя ў холдынг «Белфармпром».

Холдынг створаны ў адпаведнасці з Указам Прэзідэнта Рэспублікі Беларусь А. Р. Лукашэнка ад 25 ліпеня 2017 г. № 258, у яго склад увайшлі 8 арганізацый, у тым ліку 6 - вытворцаў лекавых сродкаў, адна навуковая арганізацыя і азiн вытворца вырабаў медыцынскага прызначэння.

Арганізацыі холдынгу забяспечваюць вытворчасць каля 70% усіх айчынных лекавых сродкаў, фармуюць да 90% экспарту беларускай фармацэўтычнай прадукцыі.

У апошнія гады актыўна развіваюцца фармацэўтычныя арганізацыі недзяржаўнай формы ўласнасці. Так, у цяперашні час 24 недзяржаўныя арганізацыі, якія ажыццяўляюць вытворчасць лекаў, заключылі дагаворы аб узаемавыгадным супрацоўніцтве з холдынгам. Гэта дазваляе кансалідаваць намаганні удзельнікаў фармацэўтычнага рынку ў вырашэнні шэрагу існуючых праблем, далучаць арганізацыі ўсіх формаў уласнасці ў працэс фарміравання і развіцця галіны.

Прэс-служба Міністэрства аховы здароўя