Cёння, у Клінічным абласным радзільным доме мінскай вобласці адбылася цырымонія перадачы гінекалагічнага крэсла, адаптаванага для патрэбаў жанчын з інваліднасцю, закупленага ў рамках сумеснай ініцыятывы Фонду ААН у галіне народанасельніцтва UNFPA Belarus / ЮНФПА ў Беларусі і Сеткі Глабальнага Дагавора ААН у Беларусі, офісам якога з'яўляецца Мясцовы сацыяльны фонд "Добра" фонд "Добра" / DOBRA Foundation.

Цырымонія азнаменавала новы вектар карпаратыўнай сацыяльнай адказнасці беларускага прыватнага бізнесу з фокусам на паляпшэнні якасці жыцця людзей з інваліднасцю ў Рэспубліцы Беларусь, што дазволіць жанчынам з інваліднасцю атрымліваць максімальна якасныя і камфортныя медыцынскія паслугі і палепшыць стан іх жаночага здароўя.

Мэта ініцыятывы - у супрацоўніцтве з Міністэрствам аховы здароўя Рэспублікі Беларусь, з удзелам грамадскіх арганізацый ГА "Рэспубліканская асацыяцыя інвалідаў-калясачнікаў" і прадстаўнікоў прыватнага бізнесу палепшыць даступнасць і якасць паслуг у галіне сэксуальнага і рэпрадуктыўнага здароўя для людзей з інваліднасцю ў адпаведнасці з мэтамі Нацыянальнага плана дзеянняў па рэалізацыі палажэнняў Канвенцыі аб правах людзей з інваліднасцю ў РБ.

У планах арганізатараў дадзенага праекта пашырэнне ўдзелу людзей з інваліднасцю і прадстаўнікоў прыватнага бізнэсу Беларусі ў галіне паляпшэння якасці медыцынскіх паслуг сэксуальнага і рэпрадуктыўнага здароўя людзей з інваліднасцю, арганізацыя спецыялізаваных навучальных семінараў для медыцынскага персаналу, актыўная праца ў інфармацыйнай прасторы, запуск краудфандынгавай кампаніі.