Кампанія 2019 года прысвечана людзям, якія ўносяць вялікі ўклад у работу па забеспячэнню абароны жыцця дзіцячага і дарослага насельніцтва. Гаворка ідзе аб медыцынскіх работніках i бацьках, якія прымаюць рашэнне прывіваць сваіх дзяцей. Асноўнай мэтай тыдня з'яўляецца інфармаванасць насельніцтва аб важнасці паўнавартаснай імунізацыі для здароўя і дабрабыту людзей на працягу ўсяго жыцця.

Сёння ў Нацыянальным прэс-цэнтры адбылася прэс-канферэнцыя дзе ў якасці спікераў выступілі - намеснік начальніка аддзела гігіены, эпідэміялогіі і прафілактыкі Міністэрства аховы здароўя Рэспублікі Беларусь Іна Карабан, каардынатар праграм СААЗ па інфекцыйных захворваннях у Рэспубліцы Беларусь Вячаслаў Гранько, намеснік галоўнага ўрача Рэспубліканскага цэнтра гігіены, эпідэміялогіі і грамадскага здароўя Ірына Глінская і дацэнт кафедры дзіцячых інфекцыйных хвароб Беларускага дзяржаўнага медыцынскага ўнiверсiтэта Наталля Галькевіч.

Прафілактычныя прышчэпкі ў Беларусі маюць 97% дзяцей і 95% дарослых, адзначыла Іна Карабан. Гэта дазваляе прадухіліць масавае распаўсюджванне узбуджальнікаў інфекцыйных захворванняў у выпадку іх завозу на тэрыторыю краіны. У прыватнасці, завозныя выпадкі адзёру па-ранейшаму рэгіструюцца, аднак шырокага распаўсюджвання захворванне не атрымала.

Каля 100 тыс. чалавек да канца года плануецца дадаткова прышчапіць супраць адзёру. Аб гэтым расказала намеснік галоўнага ўрача Рэспубліканскага цэнтра гігіены, эпідэміёлагі і грамадскага здароўя Ірына Глінская. «Гэта тыя дарослыя, хто па нейкай прычыне не атрымаў прышчэпку ў рамках нацыянальнага календара», - сказала яна. Гаворка ідзе пра прадстаўнікоў пэўных прафесій, якія часцей за ўсё сутыкаюцца з прыезджымі замежнікамі (работнікі грамадзянскай авіяцыі, тыя, хто працуе на памежных пераходах і інш.).

«Сітуацыя з адзёрам паказала, што абароненасць нашага насельніцтва дастаткова высокая, але сярод нас ёсць, хай і невялікая колькасць людзей, якія не абароненыя. Зараз у краіне ёсць магчымасць запоўніць такія прабелы. У паліклініках ідзе атрыманне монавакцыны супраць адзёру. Людзі, якія не ведаюць аб сваім прышчэпачным статусе цi маюць толькі адну прышчэпку супраць адру (я кажу аб дарослым насельніцтве), могуць звярнуцца і зрабіць прышчэпку на бясплатнай аснове», - сказала Ірына Глінская.

У першую чаргу мэтазгодна прыйсці ў паліклініку для ўдакладнення свайго прышчэплівання статусу людзям ад 18 да 35 гадоў. А таксама тым, хто плануе выезд у іншыя краіны, дзе рэгіструюцца выпадкі адзёру. Гаворачы аб Нацыянальным календары прышчэпак, Ірына Глінская адзначыла, што існуючы ў ім пералік інфекцыйных захворванняў, якія могуць мець масавае распаўсюджванне і прыводзіць да досыць цяжкіх наступстваў, пашыраецца. Па такім жа шляху ідуць і іншыя краіны.

«У мінулым годзе мы перайшлі ад вакцынацыі толькі асобных кантынгентаў рызыкі да вакцынацыі ўсіх дзетак супраць гемафільнай інфекцыі. Гэта вельмі сур'ёзны крок, зараз усіх можам абараніць ад цяжкіх праяў, якія маглі быць раней: менінгіт, менiнгаэнцэфалiт, септыцымiя выкліканая гэтым ўзбуджальнікам, шэраг неiнвазiўных формаў гемафільнай інфекцыі (атыты, сінусіты і інш.)», - яна. Акрамя таго, краіна пераходзіць на камбінаваныя вакцыны. Абарону супраць поліяміеліту, гепатыту, коклюшу, дыфтэрыі, слупняка зараз можна атрымаць за адзін прыход да ўрача.

Дацэнт кафедры дзіцячых інфекцыйных хвароб Беларускага дзяржаўнага медыцынскага універсітэта Наталля Галькевіч адзначыла, што «хацелася б, каб наш каляндар прафілактычных прышчэпак быў шырэй». Напрыклад, краіны, якія раней ўвялі вакцынацыю супраць віруса папіломы чалавека, у студзені 2019 года рапартавалі практычна аб знікненні анкалогіі жаночай палавой сферы. А самы актуальны ўзрост гэтага захворвання - 40-44 года.

Паводле ацэнак экспертаў, вакцынацыя дазваляе штогод прадухіляць ў свеце 2-3 млн смерцяў. Аб гэтым паведаміў журналістам каардынатар праграм па інфекцыйных захворваннях краінавага офіса СААЗ у Беларусі Вячаслаў Гранько. "Мы часам не задумваемся, жывучы ў адносна эпідэміялагічна бяспечнай краіне, да чаго могуць прыводзіць небяспечныя інфекцыйныя захворванні», - сказаў ён. Штодня ў свеце ад адзёру паміраюць каля 400 чалавек, ад ускладненняў, выкліканых сезонным грыпам, штогод ад 300 тыс. да 650 тыс. З-за міграцыі насельніцтва ні адна краіна не абаронена ад выпадкаў завазной інфекцыі. Так, у 2018 годзе ў Еўрапейскім рэгіёне СААЗ больш за 82 тыс. чалавек захварэлі на адзёр і 72 памерлі. Калі б гэтыя людзі былі прышчэплены, такіх цяжкіх наступстваў мы б не назіралі. Вакцынацыя з'яўляецца самай эфектыўнай інвестыцыяй у ахову здароўя.

У Беларусі стабільна вельмі высокая доля вакцынаваных супраць абсалютнай большасці інфекцый. Гэта дазваляе сфармаваць калектыўны імунітэт і не дапусціць распаўсюджвання вельмі сур'ёзных інфекцый, адзначыў Вячаслаў Гранько. Паводле яго слоў, каляндар пастаянна ўдасканальваецца. У залежнасці ад сітуацыі, магчымасцяў, навуковых дадзеных, рэкамендацый СААЗ экспертны савет прымае рашэнне па ўнясенню ў яго тых ці іншых змяненняў. У сувязі з гэтым прадстаўнік СААЗ выказаў надзею, што ў Нацыянальным календары прышчэпак будзе прадугледжана абавязковая вакцынацыя супраць віруса папіломы чалавека, якая дазваляе прадухіліць 90% выпадкаў рака шыйкі маткі.

 Відэа можна паглядзець тут: http://bpc.by/news/3852/

 Прэс-служба Міністэрства аховы здароўя