У рамках работы форуму праходзяць перамовы прадстаўнікоў сферы аховы здароўя Беларусі з прадстаўнікамі Бранскага і Удмурцкага рэгіёнаў Расіі.

Галоўнай падзеяй стане пленарнае пасяджэнне на тэму "Прыярытэтныя напрамкі развіцця рэгіянальнага супрацоўніцтва як ключавога фактару інтэграцыі і саюзнага будаўніцтва" з удзелам кіраўнікоў дзяржаў Аляксандра Лукашэнкі і Уладзіміра Пуціна.

Секцыі пройдуць па пяці асноўных напрамках: аграрная палітыка, уніфікацыя і гарманізацыя заканадаўстваў, лічбавая эканоміка, моладзевая палітыка, міжнародная дзейнасць і эканамічная бяспека.

Падчас форуму пройдзе пасяджэнне Міжпарламенцкай камісіі Савета Рэспублікі і Савета Федэрацыі па міжрэгіянальным супрацоўніцтве, дзе будуць абмеркаваны перспектывы ўмацавання міжпарламенцкіх сувязяў, а таксама ролю парламенцкага вымярэння ў развіцці беларуска-расійскіх адносін. 

У праграме форуму - сустрэча старшыні Савета Рэспублікі Міхаіла Мясніковіча і спікера Савета Федэрацыі Федэральнага Сходу Валянціны Мацвіенка з кіраўнікамі рэгіёнаў дзвюх краін. Будуць абмяркоўвацца  магчымасці ўзаемавыгаднага супрацоўніцтва ў сферы вытворчасці лекавых сродкаў, медыцынскай тэхнікі і г.д.

Форум будзе доўжыцца да 12 кастрычніка.

Прэс-служба Міністэрства аховы здароўя.