5 ліпеня 2018 г. у Гомелі адбылося выязное пасяджэнне Міжведамаснага савета па фарміраванні здаровага ладу жыцця, кантролі за неінфекцыйнымі захворваннямі, папярэджанні і прафілактыцы п'янства, алкагалізму, наркаманіі і спажывання тытунёвай сыравіны і тытунёвых вырабаў пры Савеце Міністраў Рэспублікі Беларусь.

У пасяджэнні ўзялі ўдзел міністр аховы здароўя Валерый Малашка, міністр інфармацыі Аляксандр Карлюкевіч, дэпутаты Палаты прадстаўнікоў Нацыянальнага сходу Рэспублікі Беларусь, кіраўніцтва і спецыялісты Гомельскага аблвыканкама, Міністэрства аховы здароўя, органаў дзяржаўнага кіравання і іншых арганізацый, а таксама прадстаўнікі тэлерадыёкампаніі "Гомель" ды іншых сродкаў масавай інфармацыі Гомельскай вобласці.

Удзельнікі сустрэчы, сярод іншага, абмеркавалі дзейнасці сродкаў масавай інфармацыі па папулярызацыі здаровага ладу жыцця, прафілактыцы п'янства, алкагалізму, шкодных наступстваў ужывання фальсіфікаванага і кантрафактнага алкаголю, а таксама прафілактыкі правапарушэнняў і злачынстваў.

"На прадпрыемстве "Гомсельмаш" мы бачым зладжаную работу сферы аховы здароўя, у прыватнасці Гомельскай цэнтральнай гарадской паліклінікі і кіраўніцтва гэтага буйнога прадпрыемства. Тут выбудоўваецца сістэма захавання здароўя і прадухілення фактараў рызыкі неінфекцыйных захворванняў", - адзначыла начальнік Галоўнага ўпраўлення арганізацыі медыцынскай дапамогі і экспертызы Міністэрства аховы здароўя Алена Богдан.

У ходзе пасяджэння была праведзена ацэнка эфектыўнасці прынятых у 2017 годзе мер Дзяржаўнай праграмы «Здароўе народа і дэмаграфічная бяспека Рэспублікі Беларусь» на 2016-2020 гады.