У прыёмную Савета Міністраў прыйшло больш за 20 чалавек. Валерый Малашка прыняў усіх, хто запісаўся і ўзяў на кантроль асобныя звароты. У разглядзе ўдзельнічалі ўрачы і прадстаўнікі ведамства, якія тлумачылі грамадзянам дадатковую інфармацыю, звязаную з іх пытаннямі. 

- Разбірацца трэба з кожным зваротам, бо за кожным стаіць лёс чалавека ці цэлых сем'яў, - адзначыў Валерый Малашка.
Ёсць і тыповыя звароты. Напрыклад, малады спецыяліст быў не згодны з размеркаваннем. Міністэрства аховы здароўя вырашае такія пытанні ў адпаведнасці з заканадаўствам. На прыём прыйшла маладая шлюбная пара - прасілі аб пераразмеркаванні мужа з Лоеўскай ЦРБ ў Гомельскую абласную бальніцу. 

- Жаданне маладых людзей працаваць у вялікіх гарадах зразумела. Але складаючы мэтавыя дагаворы на навучанне, кожны малады чалавек свядома сам выбірае старт прафесіі. Ён падпісвае дакументы, а значыць, разумее, дзе пачне свой працоўны шлях. Установы аховы здароўя яго чакаюць, - заўважыў міністр. 

Міністэрства аховы здароўя ў гэтым плане паслядоўна: у адпаведнасці з заканадаўствам маладога чалавека неабходна накіраваць у той населены пункт, дзе быў заключаны мэтавай дагавор. 

Кіраўнік міністэрства звярнуў увагу, што ў гэтым годзе ведамства абвясціла курс на змяненне сістэмы кіравання якасцю аказання меддапамогі.

Больш падрабязна чытайце на "Медыцынскім весніку"