Уладзімір Каранік нарадзіўся ў 1973 годзе ў Гродне. У 1996 годзе скончыў Гродзенскі дзяржаўны медыцынскі інстытут.
З 1996 па 2011 г. працаваў на розных пасадах у Рэспубліканскім навукова-практычным цэнтры анкалогіі і медыцынскай радыялогіі імя Аляксандрава (раней - Навукова-даследчы інстытут анкалогіі і медыцынскай радыялогіі імя Аляксандрава). З'яўляўся лекарам-стажорам, малодшым навуковым супрацоўнікам, навуковым супрацоўнікам аддзялення таракальнай анкапаталогіі, таракальнай хірургіі (загадчыкам) РНПЦ.

З 2011 года па цяперашні час займаў пасаду галоўнага ўрача Мінскага гарадскога клінічнага анкалагічнага дыспансера.

У сістэме аховы здароўя трэба навесці парадак, каб не дапускаць карупцыйных праяў. Аб гэтым заявіў Прэзідэнт Беларусі Аляксандр Лукашэнка, прызначаючы Уладзіміра Каранік на пасаду міністра аховы здароўя. Прэзідэнт перакананы, што вопыт работы Уладзіміра Каранік ў якасці галоўнага лекара бальніцы дазваляе яму кампетэнтна судзіць аб наяўнасці недахопаў у сістэме закупак, роўна як і бачыць праблемы ў сістэме аховы здароўя ў цэлым.

 Міністр аховы здароўя Уладзімір Каранік мае намер з уступленнем на пасаду ўшчыльную заняцца ліквідацыяй умоў, якія ствараюць глебу для карупцыйных правапарушэнняў пры закупцы лекаў і медабсталявання. Як падкрэсліў міністр, для сістэмы аховы здароўя, прыярытэтнай застаецца задача забяспечыць якасную, даступную медыцынскую дапамогу для насельніцтва. «Наша задача - выбудаваць сістэму ведамаснага кантролю так, каб там не было магчымасці для карупцыйных правапарушэнняў», - падкрэсліў міністр.

БЕЛТА