Актуальныя пытанні гігіены водазабеспячэння, а таксама сучасныя падыходы да ажыццяўлення дзяржнагляду за водазабеспячэннем сельскіх населеных пунктаў абмеркавалі ўдзельнікі рэспубліканскага семінара, які прайшоў на базе Мінскага аблЦГЭіАЗ.

Генеральнай асамблеяй ААН перыяд з 2005 года па 2015-ы абвешчаны Міжнародным дзесяцігоддзем дзеянняў пад лозунгам «Вада для жыцця». Менавіта ў гэты перыяд на тэрыторыі Беларусі была зацверджана Дзяржпраграма «Чыстая вада» (у яе рамках органамі дзяржкіравання, зацікаўленымі ведамствамі і арганізацыямі прымаліся меры, накіраваныя на павышэнне якасці і бяспекі пітной вады, якая падаецца насельніцтву), якая знайшла свой працяг у Дзяржпраграме «Камфортнае жыллё і спрыяльнае асяроддзе»на 2016-2020 гады.

Кантролю захавання патрабаванняў заканадаўства ў галіне пітнога водазабеспячэння на ўсіх этапах падачы вады насельніцтву надаецца асаблівая ўвага санэпідслужбы. Вынікі, атрыманыя ў ходзе аналізу звестак па ажыццяўленні дзяржнагляду за аб'ектамі пітнога водазабеспячэння Мінскай вобласці, паказалі, што ў забеспячэнні насельніцтва пітной вадой, якая адпавядае патрабаванням якасці і бяспекі, маюцца пэўныя праблемы, на рашэнне якіх у апошнія гады накіраваны намаганні ўлады і зацікаўленых ведамстваў.

Больш падрабязна чытайце на сайце "Медыцынскі веснік"