У 2024 годзе форум прымеркаваны да 105-годдзя сістэмы аховы здароўя Рэспублікі Беларусь. Фармат адзінай інфармацыйнай і выставачнай прасторы стварае якасна новыя магчымасці прасоўвання інавацыйных прадуктаў для практычнай медыцыны, прыцягвае вядучых айчынных і замежных вытворцаў медыцынскай тэхнікі і абсталявання, лекавых прэпаратаў, прафесіяналаў, якія працуюць у сістэме аховы здароўя, установы адукацыі медыцынскага профілю, прадстаўнікоў дзяржструктур і дзелавых колаў, шырокай. медыцынскай грамадскасці з усіх рэгіёнаў краіны.

У рамках форуму адбудзецца каля 30 навукова-практычных канферэнцый і тэматычных семінараў з удзелам вядучых рэспубліканскіх навукова-практычных цэнтраў краіны, прысвечаных інавацыйным медыцынскім практыкам і тэхналогіям у розных галінах аховы здароўя, у тым ліку 5 мерапрыемстваў па анкалагічнай тэматыцы. Плануецца правядзенне спецыялізаванай канферэнцыі з навучальным семінарам «Айчынныя лекавыя сродкі на фармацэўтычным рынку Рэспублікі Беларусь».

На калектыўных стэндах холдынгу «Белфармпрам» і прадпрыемства «Белмедтэхніка» прадстаўлены айчынныя распрацоўкі экспартаарыентаванай медыцынскай тэхнікі і лекавых сродкаў.

На стэндзе дзяржаўнага прадпрыемства «Медтэхнацэнтр», вядучага беларускага вытворцы ў галіне медыцынскага абсталявання і вырабаў медыцынскага прызначэння, прадстаўлены апошнія распрацоўкі прадпрыемства, накіраваныя на паляпшэнне якасці аказання медыцынскай дапамогі:

• ложак функцыянальны з электрапрывадам і функцыяй ўзважвання;

• каляска-каталка з прыёмнай прыладай і крэсла эвакуацыйнае для аўтамабіля хуткай медыцынскай дапамогі;

• крэсла-скутэр для інваліда;

• сістэма маніторынгу і дыспетчарызацыі медыцынскіх газаў з выкарыстаннем «хмарных» сэрвісаў і магчымасцю інтэграцыі дадатковых функцый маніторынгу (мікраклімат у палатах, месцазнаходжанне пацыента ў структуры лячэбнай установы і інш.), якая на базе нейрасеткі ідэнтыфікуе і прагназуе паказчыкі, у некаторых выпадках папярэджваючы медыцынскіх работнікаў яшчэ да ўзнікнення інцыдэнту.

На калектыўным стэндзе вядучыя Рэспубліканскія навукова-практычныя цэнтры медыцынскага профілю прадэманструюць найноўшыя распрацоўкі і высокія дасягненні ў сферы аховы здароўя.

Традыцыйная «Адукацыйная алея» з універсітэтаў медыцынскага профілю Беларусі – спецыяльная пляцоўка для прэзентацыі адукацыйных паслуг і дэманстрацыі інавацыйных распрацовак устаноў адукацыі.

РУП «Белфармацыя» прадстаўляе дзіцячы адукацыйны праект «Юны фармацэўт» – сімуляцыйную міні-аптэку, створаную для знаёмства дзяцей з прафесіяй фармацэўта.

У выставе бяруць удзел больш за 160 экспанентаў з 8 краін: Беларусі, Венгрыі, Індыі, Ірана, Кітая, Расіі, Егіпта, Паўднёвай Карэі. Шырокі асартымент вырабаў медыцынскага прызначэння можна ўбачыць на калектыўнай экспазіцыі індыйскіх вытворцаў. Упершыню ў выставе ўдзельнічае кампанія Soficopharm, якая з'яўляецца важным іграком на фармацэўтычным рынку Егіпта. Акрамя таго, упершыню ў Беларусі свае магчымасці прадставіць Няўрадавы фонд даследаванняў і тэхналогій медыцынскага абсталявання Ірана.

Удзельнікі выставы, прадстаўнікі, дыстрыбутары і сэрвісныя арганізацыі падрыхтавалі шырокі спектр прадукцыі і паслуг для ўстаноў аховы здароўя і медыцынскіх цэнтраў.

Прэс-служба Міністэрства аховы здароўя