by
by ru en
Аа
Aa Aa Aa

Гарачая лінія

Міністэрства аховы здароўя:

(017) 222-70-80
Упраўленнi аховы здароўя

Мінск:

(017) 285-00-10

Мінская вобласць:

(017) 517-20-25

Брэсцкая вобласць:

‎(0162) 58-09-93

Віцебская вобласць:

(0212) 47-40-70

Гомельская вобласць:

(0232) 75-44-87

Гродзенская вобласць

(0152) 72-13-45

Магілёўская вобласць:

(0222) 27-36-42

Эпідэміялагічная сітуацыя ў Конга і Індыі

Ускладненне эпідэміялагічнай сітуацыі ў Дэмакратычнай Рэспубліцы Конга (ДРК) і Індыі.

Ліхаманка Эбола ў ДРК

Паводле афіцыйнай інфармацыі Міністэрства аховы здароўя ДРК па стане на 9 чэрвеня 2018 года агульная колькасць выпадкаў захворвання ліхаманкай Эбола ў краіне дасягнула 66, з іх 38 лабараторна пацверджаных, 28 выпадкаў - са смяротным зыходам. Выпадкі захворвання зарэгістраваны ў трох медработнікаў.

Мяркуецца, што распаўсюджванне ліхаманкі Эбола пачалося з вёскі Ікоко Імпенга, размешчанай каля горада Бікор. Гэта дзявятая ўспышка ліхаманкі Эбола ў ДРК за апошнія чатыры дзесяцігоддзі, апошняя адбылася ў маі 2017 года.

Даведка: Ліхаманка Эбола - вострае віруснае высокакантагіёзнае інфекцыйнае захворванне. Пачынаецца з ліхаманкі, моцнай слабасці, галаўнога болю, дыярэі, болю ў горле, мышцах, жываце. Пазней з'яўляецца сухі кашаль і болі ў грудной клетцы, масіўныя крывацёкі, развіваюцца прыкметы абязводжвання, агульнай інтаксікацыі.

Перадача інфекцыі ажыццяўляецца пры прамым або апасродкаваным кантакце з інфіцыраванымі біялагічнымі вадкасцямі арганізма хворага чалавека або жывёлы. Заражэнне людзей адбываецца праз рукі і прадметы ўжытку, забруджаныя крывёю і іншымі біялагічнымі вадкасцямі хворага, не выключаны і палавой шлях перадачы інфекцыі.

Меры прафілактыкі.

Падчас наведвання ДРК рэкамендуецца:

  • устрымацца ад наведвання месцаў масавага збору людзей і кантактаў з хворымі людзьмі з высокай тэмпературай;

  • не прымаць удзел у традыцыйных пахавальных абрадах;

  • не кантактаваць з фруктовымі кажанамі, малпамі;

  • ужываць у ежу прадукты жывёльнага паходжання пасля дбайнай тэрмічнай апрацоўкі, выкарыстоўваць толькі бутыляваную ваду.

Захворванне, выкліканае вірусам Ніпах ў Індыі

На поўдні Індыі 14 чалавек памерлі ад інфекцыі, выкліканай вірусам Ніпах.

Успышка адбылася ў горадзе Кажыкод у індыйскім штаце Керала. Вынікі лабараторных даследаванняў пацвердзілі, што ў трох загінулых у арганізме быў вірус Ніпах.

Захворванне, выкліканае вірусам Ніпах, з'яўляецца заанозам і выклікае цяжкія інфекцыі як у жывёл, так і ў людзей. Прыроднымі носьбіты гэтага віруса з'яўляюцца кажаны, якія ядуць плады (сямейства Pteropodidae). Інфекцыя сустракаецца ў Аўстраліі, Бангладэш, Індыі, Кітаі, Тайландзе і Афрыцы. Ад кажаноў могуць заражацца іншыя жывёлы. Вірус можа перадавацца ад чалавека да чалавека праз сліну.

Даведачна: Упершыню вірус быў выдзелены падчас успышкі хваробы, якая адбылася у 1999 г. у Малайзіі. У 2004 годзе у Бангладэш дадзенай інфекцыяй захварэлі людзі ў выніку ўжывання ў ежу пальмавага соку, забруджанага інфіцыраваным кажаном.

Сімптомы хваробы - жар, галаўны боль, дрымотнасць, развіццё вострага рэспіраторнага сіндрому, дэзарыентацыя. Праз 1-2 сутак хворы ўпадае ў каму. Нават калі чалавек перажыў першасную інфекцыю, вірус можа паўторна актывавацца праз месяцы ці гады. У ачунялых могуць назірацца пастаянныя неўралагічныя сімптомы, уключаючы змены асобы.

Вакцыны для папярэджання захворвання не існуе.

Меры прафілактыкі:

  • падчас наведвання краіны мінімізаваць кантакты з жывёламі (кажанамі);

  • выключыць ужыванне сырога пальмавага соку;

  • старанна мыць і чысціць садавіну.

Міністэрства аховы здароўя Рэспублікі Беларусь рэкамендуе ўлічваць дадзеную інфармацыю пры планаванні паездак у ДРК і Індыю.


795

Іншыя навіны

Карысныя рэсурсы

Адміністрацыйныя рэсурсы