Хаджаеў Аляксандр Валер'евіч

Узначальвае Міністэрства аховы здароўя Рэспублікі Беларусь з 26 студзеня 2024 года.

Праводзіць дзяржаўную палітыку і ажыццяўляе рэгуляванне і кіраванне ў галіне аховы здароўя, каардынуе дзейнасць у галіне аховы здароўя іншых рэспубліканскіх органаў дзяржаўнага кіравання.

Забяспечвае рэалізацыю канстытуцыйных палажэнняў, правоў і інтарэсаў юрыдычных і фізічных асоб, міждзяржаўных адносін у сферы аховы здароўя, узаемадзеяння з Нацыянальным сходам Рэспублікі Беларусь, Адміністрацыяй Прэзідэнта, Саветам Міністраў, Камітэтам дзяржаўнага кантролю, праваахоўнымі органамі, іншымі рэспубліканскімі органамі.

Курыруе дзейнасць цэнтральнага апарата Міністэрства аховы здароўя і дзяржаўных арганізацый, падпарадкаваных міністэрству, і іншых арганізацый, з кіраўнікамі якіх заключае кантракты.

Ажыццяўляе кантроль за выкананнем актаў заканадаўства ў галіне аховы здароўя і агульнае кіраўніцтва падпарадкаванымі арганізацыямі, прымае рашэнні аб стварэнні і спыненні іх дзейнасці.

Міністр:

• зацвярджае структуру і штатны расклад цэнтральнага апарата міністэрства, устанаўлівае работнікам цэнтральнага апарата міністэрства надбаўкі за складанасць і напружанасць работы, калі іншае не ўстаноўлена Прэзідэнтам Рэспублікі Беларусь;

• прымае на працу і звальняе работнікаў цэнтральнага апарата міністэрства ў адпаведнасці з заканадаўствам і ўмовамі працоўных дагавораў (кантрактаў);

• размяркоўвае абавязкі паміж сваімі намеснікамі;

• зацвярджае палажэнні аб структурных падраздзяленнях цэнтральнага апарата міністэрства, статуты падпарадкаваных арганізацый;

• узначальвае калегію міністэрства і кіруе яе працай;

• узгадняе з кіраўнікамі мясцовых выканаўчых органаў рашэнні аб стварэнні, размяшчэнні, развіцці і спыненні дзейнасці падпарадкаваных арганізацый;

• дае абласным і Мінскаму гарадскому выканаўчым камітэтам, калі іншае не прадугледжана Прэзідэнтам Рэспублікі Беларусь, згоду на назначэнне кіраўнікоў адпаведных структурных падраздзяленняў выканаўчых камітэтаў, кіраўнікоў арганізацый адпаведнай галіны (сферы дзейнасці), а таксама можа ўносіць прапановы аб вызваленні названых кіраўнікоў ад пасад;

• ажыццяўляе агульнае кіраўніцтва падпарадкаванымі арганізацыямі, прымае рашэнні аб стварэнні і спыненні іх дзейнасці ў адпаведнасці з заканадаўствам;

• узгадняе ва ўстаноўленым заканадаўствам парадку са старшынямі аблвыканкамаў і Мінскага гарвыканкама кандыдатуры на пасады кіраўнікоў падпарадкаваных арганізацый;

• заключае кантракты з кіраўнікамі дзяржаўных арганізацый, падпарадкаваных Міністэрству аховы здароўя, кіраўнікамі абласных цэнтраў гігіены, эпідэміялогіі і грамадскага здароўя, Мінскага гарадскога цэнтра гігіены і эпідэміялогіі, гарадскіх, раённых, занальных і раённых у гарадах цэнтраў гігіены і эпідэміялогіі, кіраўнікамі медыка-рэабілітацыйных у адпаведнасці з заканадаўствам.

Міністр распараджаецца ва ўстаноўленым заканадаўствам парадку сродкамі рэспубліканскага бюджэту і сродкамі цэнтралізаванага пазабюджэтнага інвестыцыйнага фонду.

Ажыццяўляе дзяржаўную кадравую палітыку, накіраваную на камплектаванне цэнтральнага апарата міністэрства, падпарадкаваных арганізацый высокакваліфікаванымі работнікамі, а таксама кіруе галіновай сістэмай навучання, падрыхтоўкі і перападрыхтоўкі спецыялістаў, фарміруе рэзерв кіраўнічых кадраў.

Прымае ўдзел у пасяджэннях Савета Міністраў. Заключае міжнародныя дамовы ў парадку, прадугледжаным заканадаўствам, і ў межах кампетэнцыі міністэрства. Уносіць прадстаўленні аб узнагароджанні дзяржаўнымі ўзнагародамі работнікаў міністэрства і падпарадкаваных арганізацый, прымяняе да іх меры заахвочвання.

Узнагароджвае знакам «Выдатнiк аховы здароўя Рэспублiкi Беларусь», Ганаровай граматай Міністэрства аховы здароўя Рэспублікі Беларусь; нагрудным знакам Мiнiстэрства аховы здароўя «Ганаравы донар Рэспублiкi Беларусь».

Міністр узначальвае камісію па супрацьдзеянні карупцыі і з'яўляецца членам калегіі Вышэйшай атэстацыйнай камісіі.

Міністр курыруе дзейнасць структурных падраздзяленняў цэнтральнага апарата міністэрства:

• упраўлення кадравай палітыкі, устаноў адукацыі;

• упраўлення метадалогіі, арганізацыі бухгалтарскага ўліку і справаздачнасці;

• аддзела знешніх сувязей;

• юрыдычнага аддзела;

• памочніка Міністра;

• прэс-сакратара;

• кансультанта, у абавязкі якога ўваходзіць дзейнасць па абароне дзяржаўных сакрэтаў.

Горбіч Юрый Леанідавіч

Нячай Святлана Ўладзіміраўна

Старавойтаў Аляксандр Генадзевіч

Андрасюк Барыс Мікалаевіч

Намеснік міністра нясе персанальную адказнасць за выкананне ўскладзеных на міністэрства задач і функцый у частцы будаўніцтва, рэканструкцыі і развіцця матэрыяльна-тэхнічнай базы падпарадкаваных арганізацый; ажыццяўленне кантролю за дзяржаўнай закупкай і выкарыстаннем медыцынскай тэхнікі ў падпарадкаваных арганізацыях аховы здароўя, выканання паказчыкаў прагнозу сацыяльна-эканамічнага развіцця Рэспублікі Беларусь, якія зацвярджаюцца ў адпаведнасці з актамі заканадаўства, пытанняў аховы працы, цэнаўтварэння платных паслуг і лекавых сродкаў, прамысловай вытворчасці медыцынскіх вырабаў і лекавых сродкаў, стан спраў у курыруемых ім структурных падраздзяленнях цэнтральнага апарата міністэрства і падпарадкаваных арганізацыях.

У адпаведнасці з ускладзенымі на міністэрства задачамі намеснік міністра:

• нясе адказнасць і ажыццяўляе кантроль за будаўніцтвам, рэканструкцыяй і развіццём матэрыяльна-тэхнічнай базы, зацвярджае праектна-каштарысную дакументацыю для будаўніцтва аб'ектаў падпарадкаваных арганізацый;

• ажыццяўляе кантроль за выкарыстаннем медыцынскай тэхнікі ў падпарадкаваных арганізацыях аховы здароўя;

• удзельнічае ў рабоце конкурснай камісіі па закупках медыцынскай тэхнікі і вырабаў медыцынскага прызначэння;

• нясе адказнасць, забяспечвае кантроль і агульную арганізацыю работы па пытаннях аховы працы, як у самім міністэрстве, так і ў арганізацыях сістэмы міністэрства, забяспечвае падрыхтоўку прапаноў па яе паляпшэнню;

• кантралюе падрыхтоўку, рэалізацыю і фінансаванне мерапрыемстваў па паляпшэнні ўмоў і аховы працы, арганізуе і кантралюе распрацоўку і ўкараненне нарматыўных прававых актаў, тэхнічных нарматыўных прававых актаў у галіне аховы працы;

• арганізуе кантроль за выкананнем пастаноў, прадпісанняў, рашэнняў органаў дзяржаўнага кіравання, упаўнаважаных органаў нагляду за выкананнем заканадаўства аб працы і аб ахове працы.

Ажыццяўляе кантроль і нясе адказнасць за цэнаўтварэнне платных паслуг, арганізоўвае і кантралюе распрацоўку норм часу і норм расходу матэрыялаў на платныя медыцынскія паслугі, якія аказваюцца юрыдычнымі асобамі незалежна ад іх формы ўласнасці і падпарадкаванасці і індывідуальнымі прадпрымальнікамі.

Ажыццяўляе каардынацыю дзейнасці курыруемых арганізацый па прамысловай вытворчасці медыцынскіх вырабаў і лекавых сродкаў, нясе адказнасць за забеспячэнне іх стабільнага і эфектыўнага функцыянавання, у тым ліку кантроль за экспартам лекавых сродкаў, захаваннем і ўмацаваннем экспартных пазіцый, развіццём тавараправоднай сеткі.

Кантралюе падрыхтоўку прапаноў па абароне эканамічных інтарэсаў айчынных вытворцаў лекавых сродкаў на знешнім і ўнутраным рынках. Ажыццяўляе кантроль і нясе адказнасць за цэнаўтварэннем лекавых сродкаў, што вырабляюцца ў рэспубліцы. Забяспечвае агульнае кіраўніцтва за рэалізацыяй дзяржаўнай палітыкі развіцця фармацэўтычнай прамысловасці.

Курыруе пытанні распрацоўкі, экспертызы, узгаднення і рэалізацыі:

• інвестыцыйных дагавораў (пазык), якія заключаюцца міністэрствам;

• прагнозаў развіцця рэспубліканскіх унітарных прадпрыемстваў, іншых арганізацый, якія знаходзяцца ў падпарадкаванні або падпарадкаваных міністэрству;

• бізнес-планаў развіцця падпарадкаваных арганізацый і бізнес-планаў інвестыцыйных праектаў падпарадкаваных арганізацый.

Нясе персанальную адказнасць за развіццё аховы здароўя ў частцы ўдасканалення матэрыяльна-тэхнічнай базы ўстаноў аховы здароўя рэгіёнаў рэспублікі.

Курыруе дзейнасць структурных падраздзяленняў цэнтральнага апарата міністэрства:

• аддзела рэгулявання закупак, абарачэння медыцынскіх вырабаў і мадэрнізацыі аб'ектаў аховы здароўя;

• упраўлення прадпрымальніцкай дзейнасці, цэнаўтварэння і дзяржаўнай маёмасці;

• галоўнага спецыяліста аддзела арганізацыі медыцынскай абароны пры надзвычайных сітуацыях;

• вытворча-гандлёвага рэспубліканскага унітарнага прадпрыемства «Белмедтэхніка»;

• рэспубліканскага унітарнага прадпрыемства «Цэнтр экспертыз і выпрабаванняў у ахове здароўя»;

• рэспубліканскага унітарнага прадпрыемства «Кіруючая кампанія холдынгу «Белфармпрам»,

• рэспубліканскага унітарнага вытворчага прадпрыемства «Белмедпрэпараты»,

• вытворчага рэспубліканскага унітарнага прадпрыемства «Мінскінтэркапс»,

• рэспубліканскага унітарнага прадпрыемства «Навукова-практычны цэнтр «ЛАТЫГС»;

• рэспубліканскага унітарнага прадпрыемства «Дырэкцыя прадпрыемства Міністэрства аховы здароўя Рэспублікі Беларусь, якое будуецца»;

• рэспубліканскага унітарнага прадпрыемства «Медтэхнацэнтр»;

• аўтатранспартнага рэспубліканскага унітарнага прадпрыемства «БелПАТ».

Мянцюк Яраслаў Аляксандравіч

Асноўныя функцыі:

• арганізуе падрыхтоўку структурнымі падраздзяленнямі міністэрства аналітычных, даведачных і іншых матэрыялаў (у тым ліку праекты дакладаў і выступленняў) для мерапрыемстваў з удзелам міністра;
• забяспечвае своечасовае прадстаўленне міністру карэспандэнцыі, праектаў дакументаў, даручэнняў і іншых матэрыялаў, па якіх патрабуецца рашэнне міністра;
• дакладвае міністру аператыўную інфармацыю;
• удзельнічае ў арганізацыі выканання мерапрыемстваў па падрыхтоўцы і правядзенні нарад, што збірае міністр;
• удзельнічае ў падрыхтоўцы і правядзенні пасяджэнняў калегіі міністэрства;
• кантралюе выкананне даручэнняў міністра, а таксама асобных загадаў і распараджэнняў міністра;
• кантралюе выкананне работнікамі міністэрства ўстаноўленага службовага рэгламенту і нормаў прафесійнай этыкі;
• ажыццяўляе іншыя паўнамоцтвы, ускладзеныя па даручэнні міністра.

БарадунЮлія Аляксандраўна

Прэс-сакратар Міністэрства аховы здароўя Рэспублікі Беларусь забяспечвае ўзаемадзеянне міністэрства са сродкамі масавай інфармацыі.

• арганізацыя ўзаемадзеяння Міністэрства аховы здароўя з рэспубліканскімі і замежнымі сродкамі масавай інфармацыі;
• аператыўнае забеспячэнне СМІ афіцыйнай інфармацыяй пра дзейнасць міністра і Міністэрства аховы здароўя, а таксама сферы аховы здароўя ў цэлым;
• правядзенне прэс-канферэнцый і брыфінгаў міністра, намеснікаў міністра і прадстаўнікоў сістэмы аховы здароўя;
• удзел у падрыхтоўцы праектаў выступленняў міністра;
• распаўсюджванне заяў, паведамленняў, прэс-рэлізаў і іншых інфармацыйных матэрыялаў у СМІ;
• каардынацыя працы СМІ падпарадкаваных арганізацый;
• каардынацыя дзейнасці афіцыйнага партала Міністэрства аховы здароўя і сайтаў падведамасных арганізацый, у тым ліку ў частцы апублікавання прэс-рэлізаў, фатаграфій і відэаматэрыялаў;
• распрацоўка і рэалізацыя планаў інфармацыйных кампаній і акцый;
• аператыўны збор і экспрэс-аналіз матэрыялаў рэспубліканскіх і замежных СМІ пра дзейнасць сістэмы аховы здароўя.

Тэлефон: (017) 222-47-09