Вынікі дазорнага эпідэміялагічнага сачэння за ВРІ і грыпам у Беларусі паказваюць – ідзе тэндэнцыя росту паказчыка захваральнасці як у цэлым па рэспубліцы, так і ў рэгіёнах. Найбольшы прырост захваральнасці адзначаецца ў Віцебскай і Магілёўскай абласцях, а таксама ў Мінску. У структуры хворых пераважае дзіцячае насельніцтва (больш за 63%).

Вынікі малекулярна-біялагічных лабараторных даследаванняў дазваляюць казаць аб цыркуляцыі рэспіраторных вірусаў негрыпознай этыялогіі: парагрыпу, адэнавірусаў, рынавірусаў, бакавірусаў, РС-вірусаў, а таксама, у адрозненне ад леташняга сезону, вірусаў грыпу тыпу A (пераважна падтыпу Н3N2) i тыпу В., выяўленне якіх у пацыентаў павялічваецца. Зарэгістраваны выпадак групавой захваральнасці на грып тыпу А(H3N2) у дзіцячым арганізаваным калектыве.

Такім чынам, можна казаць аб тым, што ў краіне цыркулююць  сумесна – як вірусы SARS-CoV-2, так і грыпу.

Афіцыйна: дадзеныя аб эпідэміялагічных і вірусалагічных асаблівасцях вірусаў паказваюць, што актыўная вакцынацыя супраць грыпу і COVID-19, а таксама выкарыстанне масак, захаванне дыстанцыі і г.д. прыводзяць да зніжэння колькасці выпадкаў заражэння.

Нагадваем аб важнасці і неабходнасці правядзення прафілактычных прышчэпак як супраць COVID-19, так і супраць грыпу. Прышчэпкі супраць гэтых захворванняў можна сумясціць і зрабіць у адзін дзень, альбо з інтэрвалам у 2 тыдні.

Таксама звяртаем увагу на мэтазгоднасць правядзення бустэрнай вакцынацыі супраць COVID-19 вакцынай «Спутнік Лайт» усім асобам, раней прышчэпленым любым найменнем вакцыны, праз 6 месяцаў пасля завершанага курса вакцынацыі.

Папярэдняе правядзенне тэсціравання на наяўнасць антыцелаў да SARS-CoV-2 не з'яўляецца вызначальным для прыняцця рашэння аб увядзенні бустэрнай дозы.

Прэс-служба Міністэрства аховы здароўя