Гарачая лінія
Міністэрства аховы здароўя:
(17) 373-70-80Мінск:
(17) 285-00-10Брэсцкая вобласць:
(162) 58-09-93Віцебская вобласць:
(212) 22-45-38Гомельская вобласць:
(232) 50-32-04Гродзенская вобласць
(152) 72-13-45Магілёўская вобласць:
(222) 32-23-42Мінская вобласць:
(17) 517-20-25Міністэрства аховы здароўя выдала дазвол на ўвоз і прымяненне вакцыны КовіВак
Міністэрствам аховы здароўя Рэспублікі Беларусь у адпаведнасці з артыкулам 27 Закона Рэспублікі Беларусь ад 20 ліпеня 2006 г. № 161-З «Аб абарачэнні лекавых сродкаў» выдадзены дазвол на ўвоз і прымяненне вакцыны КовіВак супраць COVID-19. Гэтая вакцына інактываваная цельнавiрыённая канцэнтраваная вычышчаная прызначана для папярэджання і ўхіленні наступстваў эпідэмічных захворванняў.
Суспензія для нутрацягліцавых уводзін – 0,5 мл / доза ў флаконе 5 доз (2,5 мл) у пакаванні. Вытворца – Федэральны навуковы цэнтр даследаванняў і распрацоўкі імунабіялагічных прэпаратаў ім. М.П. Чумакова РАН (Расійская Федэрацыя). Дакументы, прадстаўленыя вытворцам, прайшлі адпаведную экспертызу. Яны адпавядаюць усім патрабаванням заканадаўства Рэспублікі Беларусь і былі ацэнены станоўча.
Адзначым, што вакцына КовiВак распрацавана па тым жа прынцыпе, што і класічныя вакцыны ад воспы, поліяміеліту, адзёру і іншых вірусаў. Навукоўцы адзначаюць, што вакцынацыя КовiВакам часцей пераносіцца больш лёгка, чым «Спутнiк V». Вакцына была зарэгістраваная ў Расіі ў канцы лютага 2021 года. У аснове гэтай вакцыны – інактываваны вірус SARS-CoV-2. Такая ж платформа выкарыстоўваецца ў двух кітайскіх вакцын – Sinopharm і Sinovac. Нагадаем, што вакцына кампаніі Sinopharm (Кітай) шырока прымяняецца для вакцынацыі на тэрыторыі Рэспублікі Беларусь.
Вакцына КовіВак паступіла 6 снежня на аптэчны склад і ў перыяд з 13-15 снежня больш за 300 тыс. доз ужо адпраўлены ва ўсе вобласці Беларусі.
Прэс-служба Міністэрства аховы здароўя
Іншыя навіны