Адзіны дзень інфармавання «Незалежная і квітнеючая Беларусь. Мы зрабілі гэта разам» прайшоў 28 лістапада ў Мінскай вобласці

У рамках адзіных дзён інфармавання, у сярэдняй школе №14 г.Маладзечна прайшло мерапрыемства «Школа актыўнага грамадзяніна». На сустрэчу з навучэнцамі 9-11 класаў прыбыў намеснік міністра аховы здароўя Рэспублікі Беларусь Барыс Андрасюк.

У пачатку мерапрыемства ўдзельнікам быў прадэманстраваны відэаролік, падрыхтаваны Агенцтвам тэлевізійных навін Белтэлерадыёкампаніі пра РНПЦ «Маці і дзіця», гэта ўстанова з'яўляецца яркім прыкладам развіцця медыцыны ў Беларусі.

У рамках «Школы актыўнага грамадзяніна» лідэры школьнага самакіравання абмеркавалі не толькі дасягненні Беларусі за гады незалежнасці, але і пытанні медыцыны. Намеснік міністра расказаў школьнікам пра поспехі беларускіх медыкаў, а таксама аб асабістых дасягненнях у прафесійнай сферы.

Адно з пытанняў, якія задавалі школьнікі Барысу Андрасюку, датычылася прафарыентацыі навучэнцаў. Як высветліў намеснік міністра ў ходзе гутаркі з дзецьмі, некаторыя з іх - будучыя абітурыенты медыцынскіх універсітэтаў. Намеснік міністра расказаў школьнікам, якія спецыяльнасці найбольш запатрабаваныя ў сучаснай медыцыне.

У гэты ж дзень Барыс Андрасюк пабываў на сустрэчы з навучэнцамі Маладзечанскага дзяржаўнага медыцынскага каледжа імя І.В. Залуцкага. Сустрэча адбылася ў актавай зале, намеснік міністра пагутарыў з будучымі выпускнікамі і адказаў на ўсе іх пытанні. Навучэнцы цікавіліся пытаннямі прадастаўлення першага рабочага месца, магчымасцямі працаўладкавання ў Рэспубліканскія навукова-практычныя цэнтры, стажыроўкі і г.д.

Таксама намеснік міністра наведаў пляцоўку для адпрацоўкі практычных навыкаў з выкарыстаннем сiмуляцыйнага абсталявання рознай ступені рэалістычнасці. Такая пляцоўка з'явілася зусім нядаўна ў навучальнай установе. У адмысловых памяшканнях навучэнцы будуць працаваць з робатам-манекенам, як з пацыентам. Сімуляцыя накіравана на развіццё клінічнага мыслення, адпрацоўку алгарытму дзеянняў лекара пры пэўных сітуацыях і клінічных выпадках.

Адзначым, што ў Беларусі кожны чацвёрты чацвер месяца для навучэнцаў IX-XI класаў арганізаваны адзіны дзень інфармавання пад агульным дэвізам «ШАГ - школа актыўнага грамадзяніна». На мерапрыемствы традыцыйна запрашаюцца дзяржаўныя і грамадскія дзеячы, прадстаўнікі органаў дзяржаўнага кіравання, дэпутаты, медыйныя персоны. Мерапрыемства разлiчана на паслядоўнае фарміраванне ведаў, уменняў, асобасных якасцяў, перакананняў, якія ляжаць у аснове грамадзянскай кампетэнтнасці.

 Прэс-служба Міністэрства аховы здароўя