Мерапрыемства прысвечана барацьбе з анкалагічнымі захворваннямі ў жанчын. У такіх велапрабегах у Еўропе ўжо 5 гадоў удзельнічаюць не толькі ўрачы, журналісты, прафесійныя велагоншчыкі, але і тыя, хто неабыякавы да гэтай вострай праблемы. Бо толькі рак шыйкі маткі прыводзіць да гібелі 24 тысяч жанчын у Еўропе штогод.

Арганізатары акцыі ў Беларусі - РНПЦ анкалогіі і медрадыялогіі ім. М. М. Аляксандрава, Міністэрства аховы здароўя пры падтрымцы МУС, МЗС, Міністэрства інфармацыі, а таксама Еўрапейскае грамадства анкагінеколагаў.

Прыйшлі падтрымаць акцыю і беларускія артысты. У канцэрце каля Палаца спорту прынялі ўдзел Анзор Алімірзоеў, Palina, Alen Hit, Хелена Мерааі, Яўген Ермолковіч, Віталь Карпанаў, Ганна Шалюціна, Тэа, група «Дзядзька Ваня». Вядучым быў - Яўген Булка.

Акцыя стартавала 2 ліпеня ў Таліне. Удзельнікі з Германіі, Польшчы, Чэхіі, Аўстрыі за 2 тыдні плануюць яшчэ пераадолець 2 тысячы кіламетраў.

Больш падрабязна пра акцыю можна прачытаць на сайце 24health.by