Беларусь і Малдова падпісалі пагадненне ў галіне аховы здароўя

Пагадненне аб супрацоўніцтве ў галіне аховы здароўя падпісалі Беларусь і Малдова

Пагадненне аб супрацоўніцтве ў галіне аховы здароўя паміж Міністэрствам аховы здароўя Беларусі і Міністэрствам аховы здароўя, працы і сацыяльнай абароны Рэспублікі Малдова падпісалі сёння кіраўнікі двух ведамстваў - Валерый Малашка і Святлана Чабатар.

Згодна з падпісаным дакументам, бакі маюць намер развіваць узаемавыгаднае супрацоўніцтва па аказанні медыцынскай дапамогі, падрыхтоўцы і павышэнню кваліфікацыі медыцынскіх кадраў, звароту лекавых сродкаў, вырабаў медыцынскага прызначэння і медтэхнікі, развіццю фундаментальных і прыкладных навуковых даследаванняў і інш.

Адзначым, што ў рамках візіту Кіраўніка беларускай дзяржавы ў Кішынеў таксама падпісаны Мемарандум аб супрацоўніцтве паміж кіруючай кампаніяй холдынгу «Белфармпром» (Рэспубліка Беларусь) і кампаніяй «Farmaprim» (Рэспубліка Малдова), а таксама 6 дамоваў паміж беларускімі фармацэўтычнымі арганізацыямі і кампаніямі Малдовы. Агульная сума падпісаных дагавораў склала каля 3 млн долараў ЗША.

Падводзячы вынікі паездкі міністр аховы здароўя Валерый Малашка адзначыў, што Малдова хоча пабудаваць у Беларусі фармацэўтычнае прадпрыемства поўнага цыклу. Зараз у Беларусі працуе малдаўскае прадпрыемства, пакуль яно фасуе лекавыя прэпараты, а ў найбліжэйшай будучыні гаворка ідзе аб інвестыцыйным праекце і будаўніцтве малдаўскага фармацэўтычнага прадпрыемства поўнага цыкла ў Беларусі. Акрамя таго, малдаўскі бок зацікаўлены і купляць вырабленыя ў Беларусі лекі, паколькі ўсе ведаюць пра іх высокую якасць і прывабныя кошты беларускай прадукцыі. Сярод іншых напрамкаў супрацоўніцтва, якія маюць намер развіваць Беларусь і Малдова ў медыцынскай сферы, - нарошчванне экспарту паслуг і падрыхтоўка высокакваліфікаваных кадраў.

Прэс-служба Міністэрства ахова здароўя

19.04.2018

1803