Беларускія лекары правялi ўнiкальную аперацыю

Беларускія лекары дапамаглі нарадзіць жанчыне з артэрыяльнай анеўрызмай

Унікальную аперацыю правялі спецыялісты РНПЦ «Неўралогіі і нейрахірургіі» і РНПЦ «Маці і дзіця»!

Гэтую сітуацыю сапраўды можна назваць цудам і поспехам, перамогай ўзгодненай працы беларускіх лекараў. У цяжарнай жанчыны быў выяўлены сур'ёзны і пагрозлівы для жыцця дыягназ: артэрыяльная анеўрызма супраклінойднага аддзела ўнутранай соннай артэрыі справа з памяркоўнымі вокарухальнымi парушэннямі.

Высокакваліфікаванымі спецыялістамі з РНПЦ «Неўралогіі і нейрахірургіі» ўпершыню ў Беларусі правялі высокатэхналагічнае медыцынскае ўмяшальніцтва - ўсталявалі унутрысасудзістыя імпланты ў мех анеўрызмы і ажыццявілі татальную эмбалізацыю анеўрызмы ў цяжарнай жанчыны.

Далейшае медыцынскае назіранне ўзялі на сябе лекары-спецыялiсты з РНПЦ «Маці і дзіця». Цяжарная жанчына знаходзілася пад пільным кантролем, што дазволіла пралангіраваць цяжарнасць і вынасіць здаровае дзiця. У сярэдзіне красавіка ў РНПЦ «Маці і дзіця» шляхам аперацыі кесарава сячэння нарадзіўся здаровы малы вагой 2970 грамаў, з ацэнкай па шкале Апгар 8/8 балаў.

Агульныя намаганні былі не марныя. Супольная праца, веды і навыкі дазволілі выратаваць жыццё будучай маме і спрыяць нараджэнню малыша.

Прэс-служба Міністэрства аховы здароўя

26.04.2018

2892