Дэлегацыя Міністэрства аховы здароўя Рэспублікі Беларусь на чале з першым намеснікам міністра Дзмітрыем Піневічам узяла ўдзел у працы спецыяльнай сесіі Праграмнай каардынацыйнай рады Аб'яднанай праграмы ААН па ВІЧ / СНІД (ПКС ЮНЭЙДС).

Прадстаўніку Беларусі, як члену кіруючага Бюро ЮНЭЙДС, у 2019 годзе даверана пасада дакладчыка. У яго задачы ўваходзіць забеспячэнне дасягнення згоды паміж усімі членамі Праграмы як па стратэгічных, так і па бягучых задачах.

Таксама адбылася сустрэча Дзмітрыя Піневіча з намеснікам Генеральнага дырэктара Сусветнай арганізацыі аховы здароўя Жужаннай Якаб. Нагадаем, што СААЗ з'яўляецца адной з арганізацый-заснавальніц ЮНЭЙДС.

 Жужана Якаб дала высокую ацэнку дасягненням Беларусі ў галіне процідзеяння эпідэміі ВІЧ/СНІДу на нацыянальным узроўні. Яна падкрэсліла, што Беларусь займае вядучае месца ў рэгіёне Цэнтральнай і Усходняй Еўропы ў сферы прафілактыкі і лячэння захворвання.

 Прэс-служба Міністэрства аховы здароўя