Фiнал "Снежнага снайпера" прайшоў 3-4 сакавіка

Фінальны этап рэспубліканскіх спаборніцтваў сярод дзяцей і падлеткаў па біятлоне "Снежны снайпер" прайшоў 3-4 сакавіка

Фінальны этап рэспубліканскіх спаборніцтваў сярод дзяцей і падлеткаў па біятлоне "Снежны снайпер" прайшоў 3-4 сакавіка на базе Рэспубліканскага цэнтра алімпійскай падрыхтоўкі па зімовых відах спорту "Раўбічы".

Рэспубліканскія спаборніцтвы сярод дзяцей і падлеткаў па біятлоне "Снежны снайпер" на прызы Прэзідэнцкага спартыўнага клуба - адзін з самых маштабных і паспяховых праектаў клуба. З моманту свайго нараджэння ў 2007 годзе гэтыя спаборніцтвы занялі лідзіруючую пазіцыю па масавасці ўдзелу сярод падобных турніраў.

Толькі ў першым спаборніцтве на старты выйшлі больш за 200 тыс. дзяцей з усіх куткоў Беларусі. У спаборніцтвах удзельнічаюць юныя аматары біятлона, якiя не займаюцца ў спецыялізаваных вучэбна-спартыўных установах. Юныя спартсмены спаборнічаюць у трох узроставых групах: малодшай (11-12 гадоў), сярэдняй (13-14 гадоў) і старэйшай (15-16 гадоў). Спачатку яны выходзяць на старты на школьных, раённых і абласных этапах "Снежнага снайпера", а самыя трапныя і хуткія змагаюцца за ўзнагароды ў рэспубліканскім фінале.

Удзел у спаборніцтвах прынялі 168 юных спартсменаў з усіх абласцей краіны, а таксама з горада Мінска. Пераможцаў і прызёраў спаборніцтваў павіншаваў Прэзідэнт Рэспублікі Беларусь Аляксандр Лукашэнка. Ўзнагароды хлопцам і дзяўчатам таксама уручалі алімпійскія чэмпіёны, члены нацыянальнай каманды Беларусі па біятлону Ірына Крыўко, Дынара Алімбекова і ўладальніца чатырох алімпійскіх узнагарод вышэйшай пробы Дар'я Домрачава.

Прэс-служба Міністэрства аховы здароўя

04.03.2018

1690