Міжнародная навукова-практычная канферэнцыя «Трансплантацыя касцявога мозгу. Праблемы і рашэнні», прымеркаваная да 25-годдзя службы трансплантацыі касцявога мозгу ў Беларусі, праходзіць у гасцініцы "Пекін" у Мінску. 

У мерапрыемстве прымаюць удзел першы намеснік міністра аховы здароўя Рэспублікі Беларусь Дзмітрый Піневіч, галоўны гематолаг міністэрства аховы здароўя Рэспублікі Беларусь, кіраўнік Рэспубліканскага Цэнтра гематалогіі і перасадкі касцявога мозгу, доктар медыцынскіх навук, прафесар Анатоль Ус, прафесар, член-карэспандэнт Нацыянальнай Акадэміі Навук Беларусі, дырэктар Дзяржаўнай установы «Рэспубліканскі навукова-практычны цэнтр дзіцячай анкалогіі, гематалогіі і імуналогіі» Вольга Алейнікава, прафесар, доктар медыцынскіх навук, прэзідэнт EBMT, Гамбург (Германія) Мікалай Крэгер, доктар медыцынскіх навук, прафесар, кіраўнік аддзялення трансплантацыі ствалавых клетак шпіталя «Шарытэ», Берлін (Германія), і іншыя вядучыя спецыялісты краін Еўропы і СНД.

За апошнія 25 гадоў у медыцынскую практыку клінічнай гематалогіі ўкаранёныя высокатэхналагічныя метады дыягностыкі і лячэння пры шматлікіх захворваннях сістэмы крыватвору.

На канферэнцыі абмяркоўваюцца найноўшыя дадзеныя па малекулярнай дыягностыцы хвароб крыві, тэхналогіі трансплантацыі ствалавых клетак, прафілактыка і лячэнне ўскладненняў. Развіццё і кааперацыя нацыянальных рэгістраў донараў касцявога мозгу з'яўляюцца перадумовай істотнага павышэння трансплантацыйнай актыўнасці.

Абмен думкамі вядучых спецыялістаў у гэтай галіне дазволіць павысіць цікавасць навукоўцаў, практычных урачоў, усёй медыцынскай супольнасці нашай краіны па дадзенай праблеме.

Больш падрабязна пра падзею чытайце ў "Медыцынскім весніку"