Паказальная аперацыя адбудзецца ў ходзе навучальнага семінара для замежных дактароў, які пройдзе 18-20 ліпеня ў РНПЦ отарыналарынгалогіі, паведаміла начальнік навукова-даследчага аддзела РНПЦ дацэнт, доктар медыцынскіх навук Юлія Яроменка.

Білатэральная кахлеарная імплантацыя прадугледжвае ўстаноўку кахлеарных імплантаў адначасова на два вуха. У гэтым выпадку значна лепш адбываецца наступная сацыяльная адаптацыя і рэабілітацыя пацыентаў.

Акрамя таго, замежныя госці змогуць адпрацаваць навыкі выканання аперацыі кахлеарнай імплантацыі на 3D-прэпаратах скроневых костак, раздрукаваных на 3D-прынтарах, якія цалкам паўтараюць анатомію і структуру скроневых костак чалавека.

Аперацыі па кахлеарнай імплантацыі (аднаўленне слыху) у дзяцей праводзяцца ў РНПЦ з 2000 года. Штогод удасканальваюцца тэхналогіі, з'яўляюцца новыя віды імплантаў. У цэлым, па словах Юліі Яроменка, у цэнтры засвоены ўсе віды аперацый, якія існуюць у свеце. "Мы ганарымся, што маем дастатковую кампетэнцыю ў галіне кахлеарнай імплантацыі, дзякуючы гэтаму да нас едуць вучыцца з-за мяжы", - дадала начальнік аддзела. 

У гэты раз для навучання ў Беларусь прыедуць шэсць дактароў, у тым ліку з Грузіі, Расіі, Украіны, Чэхіі.

БЕЛТА