Прадстаўнікі міжнароднага дабрачыннага фонду Red Noses International упершыню ў Беларусі правялі майстар-класы па бальнічнай клоўнатэрапіі. Праект арганізаваны пры падтрымцы Беларускага таварыства Чырвонага Крыжа.

У групу прафесійных клоўнаў увайшлі сем чалавек з розных краін - Славеніі, Харватыі, Аўстрыі, Венгрыі, Даніі, Швецыі і Літвы.

У рамках гэтай місіі запланавана наведванне медустаноў, РНПЦ, дзіцячых дамоў у Віцебскай, Гомельскай абласцях, а таксама ў Мінску. Псіхасацыяльная падтрымка, якая аказваецца дзецям з асаблівым станам здароўя ў спецыяльных умовах, шырока выкарыстоўваецца ў многіх краінах.

Асноўная місія фонду - адцягнуць дзяцей ад праблем, якія сустракаюцца падчас лячэння, і наталіць пазітывам.

Свой візіт у сталіцу клоўны-тэрапеўты пачалі з наведвання 4-й гарадской дзіцячай клінічнай бальніцы.

Прадстаўнікі міжнароднага фонду правялі выступленні для дзяцей у розных аддзяленнях бальніцы. У рамках місіі адбыўся тэматычны трэнінг для медыцынскага персаналу па тым, як правільна і эфектыўна праводзіць рэабілітацыю дзяцей у лячэбных установах з дапамогай клоўна- і гульнетэрапіі.

Клоўнатэрапія падтрымлівае дзяцей, паляпшае іх псіхалагічны стан, спрыяе аздараўленню.

У Беларусі рух бальнічных клоўнаў-валанцёраў толькі развіваецца.

Аксана Жураўлёва, «Медыцынскі веснік»