Мемарандум аб супрацоўніцтве паміж Беларускай медыцынскай акадэміяй паслядыпломнай адукацыі, Гомельскім дзяржаўным медыцынскім універсітэтам і Цэнтрам экспертыз і выпрабаванняў у ахове здароўя падпісаны сёння ў Гомелі.

Мерапрыемства адбылося ў зале Савета ўніверсітэта ГомГМУ. Супрацоўніцтва, якое замацавана ў вышэйназваным дакуменце, прадугледжвае ўзаемадзеянне ў сферы забеспячэння бяспекі, эфектыўнасці і якасці лекавых сродкаў, фармацэўтычных субстанцый, медыцынскіх вырабаў.

Бакі ўстанавілі партнёрскія адносіны для развіцця доўгатэрміновага, эфектыўнага і ўзаемавыгаднага супрацоўніцтва ў галіне вышэйшай медыцынскай адукацыі і паслядыпломнай адукацыі, узмацненні ролі прафесарска-выкладчыцкага складу медыцынскіх ВНУ ў клінічных выпрабаваннях.

З боку Беларускай медыцынскай акадэміі паслядыпломнай адукацыі мемарандум падпісаў рэктар Аляксей Чуканаў, з боку Гомельскага дзяржаўнага медыцынскага ўніверсітэта - рэктар Ігар Стома і з боку Цэнтра экспертыз і выпрабаванняў у ахове здароўя - дырэктар Дзмітрый Грынько.

На мерапрыемстве былі абмеркаваны таксама пытанні ўзаемадзеяння паміж арганізацыямі і перспектывы звароту медыцынскай прадукцыі (медыцынскіх вырабаў і лекавых прэпаратаў) у рамках ЕАЭС.

Як лічаць падпісанты, пагадненні, прапісаныя ў дакуменце, дазволяць значна павысіць якасць і паскораць час праходжання экспертыз, якія праводзяцца на клінічных базах навучальных устаноў, скароцяць тэрміны рэгістрацыі медыцынскіх вырабаў. Мемарандумам прадугледжана, што бакі будуць развіваць супрацоўніцтва па некалькіх кірунках. У прыватнасці, у плане абмену аналітычнай, статыстычнай і прававой інфармацыяй, сумеснай работы па фарміраванні агульных падыходаў да рэгулявання звароту медыцынскіх вырабаў і айчынных лекавых сродкаў у рамках ЕАЭС, ўзаемнага кансультавання па пытаннях аптымізацыі дзейнасці.

Прэс-служба Міністэрства аховы здароўя